Kam god se čovek kak ja, malo stareši, čuda bole seri ili pak čelavi, obrne vidi kaj roboti ili pak plačeni težaki kosijo, obrezavlejo, kopajo, redijo, obtrgavlejo, špricajo i se drugo kaj je po grunto, vrto, goricaj ili pak sadovjako treba, a gazdi, jiva deca ili pak vnuki so po krčmama ili pak teretanama. Kaj god bodete vi rekli, ali je bormeš tak, a po drugoj strani se žalimo i javčemo kak nam je saki den se teži i teži na ovomo našemo sveto. A za se so krivi političari. Pitam se pitam, kak vas tak i sebe, kak nam je to tak hudo i teško da imamo za platiti težake, a sami nečemo delati? I to je još ne se, na jenoj strani trošimo peneze štere smo teško zaslužili kaj platimo težake, a na drugoj strani, ruon tak trošimo peneze za kopanje na kopališču ili pak za vežbanje v teretanama. Ak slobodno rečem jene peneze dvapot potrošimo, a ne zaslužio nikaj mesto kaj bi si sami naprajli ono kaj nam treba pak bi nam penezi, štere smo tak „krvavo“ zaslužili, ostali? Ali ne, očemo i mi nekomo biti gazdi, očemo i mi kaj bode nešči mesto nas delal dok mi sedimo pod orehom i pijemo piviko ili pak gemišteca. Pak smo si valjda i mi zaslužili kaj moremo, bar tu i tam, špilati gospočijo?
Nemci si zbirajo težake prinas v Čakovco!
Minoli tjeden smo mi meli vu našemo Čakovco Sejem poslova, očem reči Sejem dela. I to de drugdi nek vu našemo hotelo šteri bode za par let mogel iti v penzijo jer bode šezdeset let star. Moram vam pravzaprav reči kak je to bil sejem za težake šteri očejo delati v Dojčlando. Ve vidite, prinas v Međimorjo delajo stranjski z celoga sveta, od Bosne, srbije do Filipina jerbo ga ne dosti nas Međimorcov kaj bi oddelali se one posle za štere so se naši gospodarstveniki pogodili, a mi delamo sejma težakov za posel v Dojčlando. To mi nikak nejde vu to mojo sero glavo, kak bodemo mi meli težake za Švabe ak nemamo dosti za nas domače? Najbrž bode se i nešči našel šteri bode odišel z plače od pet jezer kuni na plačo od tri jezero ojerov? Pak rečite mi, prosim vas lepo, što od na ne bi išel v Dojčland za štiri pot vekšo plačo pak makar i v Nemačko i makar niti ne zna nemački. Veli moj sosed Imbra, šteri je več pet let v Nemački, da je tam dosti meti deset prsti šteri očejo delati i malo soli v glavi i ne moraš nikaj govoriti. Ak nemački gazda nekaj oče od tebe on ti pokaže kaj je to, a ak gazdarica oče nekaj od našega čoveka unda mora biti fest bedasti ak to ne razme. Ak pak je tak unda se bodemo si mi spravili v Dojčland, a po našim fabrikama i po našim gruntima bodo delali stranjski težaki sakefele farbi.
Smetlari delajo reda v politiki
Grad Čakovec i preštimani Čakovčanci i Čakovčanke so prefeštali dneve svoje varoši. Hajdi toga se nabralo na kup tak da so te fešte trajale črez dva tjedne. Se je to minulo onak kak je to bilo i splanerano sam je, kuliko čujemo, čakosko Gracko veče ostalo brez svojega precednika. Znamo odnavek da se jeden pes nigdar sam ne grize, pak je tak i tu v Grackomo vječo: jedna stranjka pripoveda kak precednik Darko Zver ima hajdi faligi i da več nebrejo si drugi prek toga prejti, a Darko je krivce za svojo smeno našel med smetlarima, očem reči, komunalcima. Kaj vam nek rečem, pak kaj smo mi v Čakovco došli na to kaj nam bodo smetlari zbirali precednike Grada. Si znamo da v grackomo večo, a ruon tak i v našemo Saboro odlučivlejo roke. Ak ovi na vlasti, očem reči, gracki oci, očejo kaj se nekaj zglasa unda mora v zrako biti dosti roki, a ako ga toga nega unda se mora iti na popravni i to tak kaj se znova brojijo roke ili pak se znova zdiguvlejo. To je ne nikaj novo, tak je to od unda dok je demokracija došla na svetlo dneva. Ruon tak nam je odnavek poznato da dok jenomo padne mrak na oči drugomo sunce presveti, pak sam jako najgerek komo bode itak posle kak je Darkijo i jegovomo Fokuso opal mrak na oči presvetilo sonce? Je li bode HaDeZejo ili pak eSDePejo? Ne mora značiti da ako je gracka uprava na levi strani vulice da to bode SDP-e jerbo je i cirkva na isti strani vulice!?
I ljudi se menjajo
Da čovek ne poverje kak se vremena menjajo. I ne sam vremena nek i ljudi. Si znamo za naš međimorski, očem reči, štrigoski Mađerkin breg. Si znamo da je Mađerkin breg nejvekši breg v štrigoskomo hataro, tak da je vekši i od Štrigovščaka. Negda je na Štrigovščako bil strari grad (čitaj: dvorac), a ve je od toga staroga dvorca ostal sam kup kameja, a mi bi šteli kaj bi Mađerkin breg bil još vekši pak smo na vrh brega naprajli još i vidikovca. Predi nek je te vidikovec zrasel na Mađerkinomo breščajko se je otud vidlo jako dauko, tijam v Deželo, Hungarijo i v Hrvacko, a ve se vidi čistam malo dale. Kak god malo, ali ipak malo dale. No, nesam vam štel o tomo pripovedati nek sam vam štel nekaj drugo reči: dok je Mađerka gospodarila štrigoskim hatarom nišči se je ne spominal o jenomo bregeco, očem reči, breščajko nek so se si spominali o jenoj grabici ili jačkici. Si znamo da je Mađerka mela i svoje bregece i svojega breščajka, ali so se si spominali o jenoj jačkici, očem reči, jenoj venoj. A denes je sima na jeziko i na pameti sam Mađerkin breg. Ve vidite kaj je Si znamo da i kokoš ima, kakšo takšo, pamet, ali se o njoj spominamo samo o hamama!
Na kaj bo to došlo
Negda so ljudi šteri so hodali po sveto bili moški ili pak ženske, a denes je to čistam drugač. Seposod se na veliko pripoveda, a posebno ovi spametni, kaj nem rekel vum spametni, kak se ljudi nebrejo i nesmejo deliti na jene ili pak druge i to po tomo kaj nosijo med nogami tak da vam je ve došlo do toga kaj so jeni (čitaj: ženske) peršone štere imajo menstruacijo (davlejo krv) saki mesec, a oni drugi (čitaj: moški) peršone štere drkajo, venodjajo ili pak svršavlejo (i to sam da morejo). Najgerek sam, jako sam najgerek što bode itak reda napravil na tem sveto ak bode presorteral i prebrojil peršone štere menstruerajo i peršone štere svršavlejo?
