Marko Perkovič Thomson znova popevle
Kak strela z vedroga neba nas je se v Lepoj Našoj pogodila vijest da bode, posle dve leti, Marko Perkovič Thomson znova popeval. Si oni šterima Thomson nekaj znači so znali da je Thomson prestal popevati dok mo je jegovoga 17-letnoga sina Antuna Mihaela zadesil teški beteg (srčani udar) i od unda se je Marko posvetil familiji i sino, očem reči, se je dal od sebe da spasi sina. Borba za živleje sina Antuna Mihaela još navek traje, ali dok je sin rekel svojemo japi da bi štel kaj bi on znova popeval to so bile reči, to je bila želja štera je dopelala znova Markija na pozornico i znova je zapopeval. Kak je rekel: se za sina i za jegovo zdraviče. I tak je Tompson skupil za sega deset dni prek sto jezer svojih prijatelov šteri imajo radi jegovo pesmo, šteri dohajajo na jegove koncertline i šteri skupa žnjim popevlejo. Dohajajo i jegovi pajdaši šteri so pred tridesti i nekaj vejč let skupa žnjim branili Lepo Našo od četnikov i Jugosoldateske i sih onih šteri so bili protiv toga da Hrvati živijo vu samostalnoj i neovisnoj Lepoj našoj. Thomson je znova skupil publiko i pokazal da smo još navek tu, da nas ga je i nek si saki on šteri halosi na hatar Lepe naše to zbije z glave jerbo bode zišel ruon tak kak so zišli četniki i jivi pajdaši šteri so od 1991.do 1995. leta šteri hercuvati z Lepom Našom.
Thomson je pokazal da smo još navek tu, da još navek branimo meje Lepe Naše štere so zafremane vu Domovinskomo rato jerbo je na dva koncerline v hrvatski Imocki došlo pedeset jezer ljudi,a isto tuliko jiv je došlo črez par dni i v Dugopolje. Za deset dni je Thomson skupil prek sto jezer ljudi. Lepo je bilo videti i čuti Thomsona, lepo je bilo videti i čuti sih onih sto jezer obožavateljov Thomsonovih pjesmi koji so bili srečni i veseli kaj je Thomson znova na bini, kaj je znova za mikrofonom i kaj mo je sin Antun Mihael na pravomo poto kaj bode ozdravil.
Sto jezer ljudi je tam bilo i to nejveč mladih, ali je ne bilo nikši incidenti tak da so policaji i redateli ne meli nikšega posla. Nega bilo niti jedne zastave z bojama rodice. Kak je to lepo čuti, a znamo da so na splickoj Ultri sam prvo večer prijeli cirka sto dilerov droge, a stopedeset mladih je završilo v bolnici jerbo so se predozerali.
Sima nam je poznato kak Thomson več na leta surađivle z pjesnikom i glazbenikom Nenijom Ninčevičom, tak da so oni dva za ove nove koncertline v Imockomo i Dugopoljo i za nove mlade naraštaje napisali i jeno novo pesmo štero so skupa odigrali i odpopevali skupa z Nenijovim bendom „Hrvatcke ruže“, a pesma se zove Ako ne znaš šta je bilo. Pesmo bodete čuli, ali za one šteri so jo ne čuli bodem vam napisal prve tri kitice:
Kažu da sam lud, da je novo vrijeme, da su prošli dani pjesama za tebe,
a meni tako dođe nakon čaše vina da ih pitam jel’ to i vaša domovina…
Je l’ moguće da ste zaspali na straži, zakletva barjaku da više ne važi,
je l’ moguće da ste zavezali oči, ne čujete tuđe korake u noći…
Ti si rođen sine u vrijeme slobode, rasti da je braniš kad ti stari ode…
Ponovno su se čule i pjevale Thomsonove poznate pjesme Bojna Čavoglave, Lijepa li si, Geni kameni, Kletva kralja Zvonimira, ali i sve druge nezaboravne Thomsonove pjesme koje dižu raspoloženja jednako mladima i starima.
Zapustili smo spomenika poginulima v Prvomo sveckomo rato!
Ako pitate po Čakovco Čakovčance štere zidete de morete videti spomenika poginulim Međimorcima vu Prvomo sveckomo rato ne znati kuliko vam ljudi bode točno moglo reči de morete najti toga spomenika? Več je hajdi let minulo otkak je spomenik obnovljeni i postavljeni vu zapadnom djelo čakoskoga parka za sječanje na vejč od sto Međimorcov šteri so poginuli ili so sfondani za vreme Prvoga rata. Spomenik se je jeno vreme održaval, sadilo se i cvetje okoli jega, a v zadje vreme se je pozabilo na ljude zbog šterih je te spomenik postavljeni pred nekaj meje od sto let (1929.), očem reči, spomenik je zapuščeni pak bi trelo ga znova zrihtati kaj nas Čakovčance i Međimorce nej bilo sramota kaj ga imamo tak zapuščenoga. Naši ljudi so dali svoje živote tak da nejmeje kaj moremo za jiv naprajti je kaj bodemo održavali spomenika i kaj jempot na leto na den kraja rata (11.11.1918.) donesemo vence i vužgemo sveče i kaj bodo ljudi šteri bodo se šteli pokloniti žrtvama Prvoga rata to mogli naprajti pre pravomo, a ne zapuščenomo spomeniko.
Da bodemo zazvedili kak je Lojzek Stepincov prešel v Čakovco?
Zrinska garda Čakovec i jeni pajdaši, Matica hrvatska Čakovec i Družba „Brača Hrvatskoga zmaja“ Zmajski stol Čakovec iščejo od Grada Čakovca kaj bi pred čakoskom glavnom cirkvom postavil spomenika hrvackomo blaženiko Alojziju Stepinco. Gracki oci i jiva šefica gracka načelnica Ljerka Cividini so još v aprilo respisali anketo nek se Čakovčanke i Čakovčanci izjasnijo je li očejo Lojzekovoga spomenika v Čakovco ili pak nečejo. Več pred štiri mesece, 19. aprila je minul cajt za izjašnjavanje v anketi, a do dneva denešjega gracki oci (čitaj: gracka uprava) so još ne prebrojili glase, očem reči, neso rekli nikomo, niti onima šteri so iskali, a niti pak građanima Grada Čakovca kakše je mišleje građana Čakovca u svezi glede spomenika Lojzeko. Kuliko se šepetuji po grackim kafičima nema što v grackoj upravi prebrojiti glase štere so ljudi dali. Nebrem veruvati da je to tuliko glasov kaj se nebre prebrojiti? Ili pak se prebrojilo pak se rezultati vum nedajo?
Imamo mi v Lepoj Našoj stručnjaka za brojiti glase v anketaj, a on je ve i fraj pak bi ga čakoski gracki oci mogli angažerati kaj toga posla dotirajo do kraja. Negdašji minister uprave Lovro Kuščevič je za vreme svojega ministarskoga mandata mel državno anketo i to tak veliko kaj so on i jegovo ministarstvo do dneva denešjega ne uspeli točno prebrojiti glase, očem reči, nigdar se je ne točno zazvedilo što je bil za, a što pak protiv? Neso točno prebrojili, ali so rezultate dali, a se ostalo kaj je ne štimalo još se dendenes broji. Kuliko znuom jegovo licenco so kupili i Ameri za vreme brojanja glasov na minulim izborima za precednika na šterima je pobedil Joe Biden, a zgubil je Donald Trump. Trump se žalil kak još do denes so ne stigli si glasi onih šteri so glasali protiv jega, ali so glasi zbrojeni. Nadjam se da bode čakoska gracka uprava predi prebrojila glase nek jim drugo leto v majušo isteče mandat kaj bodo Garda i pajdaši znali na čemo so?
