Spominki v krčmi na voglo
Nigdar ne bi rekel kaj gvinta naše ljude i to ne štere god ljude nek one šteri imajo nejveč časa, a to so penziči. Došel sam minulo soboto v krčmo na voglo vu šteroj se saki den shajao penziči na kavico, fraklec žganice ili pak nečega drugoga i na spominek kaj rešimo ono kaj jiv moči, ono zbog radi čega nebrejo spati ili pak se doma z ženami svadijo. Ne bodete veruvali, ali naši penziči se ve prepravljajo za nove izbore, ali ne prinas v Lepoj našoj nek v Ameriki. Najte me krivo razmeti, ali je došlo i do svaje jerbo so se ne mogli dospomenuti što bode novi precednik Amerike, očem reči, što bi moral biti precednik. Dok je još Ivo (čitaj: Joe Biden) bil kandidat kaj bi ga Ameri znova zebrali unda so naši penziči sedeli za dva stole: za jenim stolom so sedeli Ivijovi (Bidenovi), a za drugim Trampovi i saki je branil svojga heza (čitaj kandidata), ali otkak je Ivo hitil pušku v kuruzo se se je pošemerilo i v mojoj, očem reči, našoj krčmi na voglo. Morem vam reči da so se ovi Ivijovi reskolili jerbo vječ od pol je protiv toga kaj bi žena, makar muškobanjasta kak Kamala Haris, bila precednica, a protiv so i Trampa. Kaj vam nek rečem, ve se naši penziči brigajo što bode precednik Amerike mesto kaj bi se pobrigali što bode precednik Lepe naše. I još nekaj, spilo se je par litri gemišta sam zbog radi toga kaj je of v Ameriki pogodil Trampa vu vuho, a ne nekam drugam, očem reči, kaj ga je ne pogodil kak je trelo. Kuliko sam mel za čuti Tramp ne bode niti prinas prešel makar se glasi našega biračkoga tela ne bodo brojili, ali dok so Ameri v pitanjo oni jemlejo se glase šteri so protiv Trampa. Nebrem veruvati kaj se je Tramp zamerila Amerima, a dok je bil precednik pred pet i nekaj vejč let vgasnul je se rate štere je Obama podežgal, ruon tak je zaposlil šest i pol milijonov Amerov. Ali to mo nikaj ne pomaže jerbo ovi kaj delajo oružje, metke, granate i mine očejo furt služiti velike peneze. Teca Franca mi je pošepetnola kak hajdi toga prodajo v Ukrajino, ali kuliko vidimo to jim je ne dosti, još je rekla, hajdi sega imajo, hajdi saki den kaserajo, ali se jim je to malo. Kaj reči, najbrž so vidli kuliko so zaslužili ovi šteri so zmislili korono virusa i cepivo protiv te nevole. Nišči još dendenes ne zna kaj je pravzaprav to korona virus, je li smo ga sfondali ili pak ne, ali ovi još navek prodavlejo to cepivo ili kak teca Franca veli; to sveto vodico. Jako sam najgerek koga bodo itak moji penziči z krčme na voglo zebrali za precednika Amerike?
Nikaj ne bode od našega precednika akademika
Moram priznati da sam se minuli tjeden malo zaletel dok sam vam napisal kak bode precednik Matice hrvacke i akademik Miro Gavranov precednik Lepe Naše. Kak sam vam i rekel tak je to jen čas i zgledalo, ali kuliko vidimo Hadezeovci so sam puščali probne predizborne balončeke kaj bi zebrali čovek šteri bode zel mero Zokijo MIlanovičo. Jeno vreme je Miro Gavranov bil prvi na listeko, ali ve vidimo, kak i hajdi pot do ve, da je ne važno što je prvi nek što je zadji, očem reči, što zadji na listeko ostane, a to je ve ne bil akademik Gavran nek profesor i doktor Dragan Primorac. Doktor Primorac je bil negda i minister znanosti, obrazovanja i športa od 2003. do 2009. leta, a Hadezeovci so jega zebrali kaj bode išel v trko z Zokijom Milanovičem za foteljo precednika Lepe Naše, očem reči, za gazdo Pantovčaka. Najgerek sam, jako sam najgerek komo bodo svoje glase dali moji penziči z krčme na voglo?
Olimpijada vu Francuskoj, vu Parizo je v punom pogono
Stiha so se zaprle feronge na Evropskomo labodoritaškomo prvenstvo v Nemačkoj, a ne čuda glasneše so se otkrečile Olimpiske igre vu Parizo. Jako čuda se je športašov zišlo i to vu sim športima šteri se igrajo po ovoj našoj kugli zemaljskoj. Ne znati kaj se Francozi i to od samoga otvoreja reshitavlejo z duginim bojama kak da je to Olimpijada gejov, pederov i lezbijski. Reshitavlejo se z tem farbama kak da je bila velika svecka rasprodaja pak so te pederske boje bile nejfaleše, a i nejvejč jiv je bilo. Prosim vas lepo, morete si v pamet zeti kak so se krpe za pod brisati vu Francuskoj nekše vum ljubičaste boje, a takše točno pralo ima soseda Mica štera se navelikom pari i z pucama i z dečkima. Ne bi vam znal reči kaj dela z nami dečki jerbo sam niti jempot ne bil tam na redo, a ruon tak niti ne znam kaj dela z pucama štere sako malo k joj dohajajo i dosti dugo tam ostajajo? Morem vam reči da rokomet pratim več pol stoletja, ali sam nigdar do ve ne videl kaj rokometaši imajo rozne golšajnge. Ne znati što je zo zmislil i što je te rozne golštajnge naheznol na olimpijska rokometna igrališča, sam vidim da igrač čuda vejč hičejo lopte v gol štajnge kak je to do ve bila šega na velikim rokometnim smotrama. Ne znati kakši i čiji doktori kontrolerajo je li si rokometaši nosijo jejčeka (čitaj: muda) med nogami i je li se puce imajo jačke kam moški morejo fteknuti svojega venodjača? Bez takšega viziperta ne bi ja dopustil kaj mi nešči igral. Gledal sam našo đudašico Barbara Matič kak se borila za zlatno želencijo z Španjolskim dečecom. Najte me krivo razmetii, nesam mo gače doli vlekel kaj bi videl kaj je prehranil i je li mo kaj visi ili štrči me nogami, ali mo se na lico vidlo kak da se je pred dva dni podbrival. A kuliko se razmem vu borilačke športove moški se podbrivlejo, a žene se depilirajo. Kak bilo da bilo naša Barbara jiv je se na kup nametala i odnesla dimo zlatno želencijo tak da smo ne protivnicaj gače doli vlekli.
Sosed Pišta je dve leti šparal i ve je na Olimpijadi vu Francuskoj pak mi je poslal jenoga štikleca: – Kak se zove seks poza 69 pre gej parovima, očem reči, med pederima? – Jaje na oko!
Što bode popeval na Porcinkulovo vu Čakovco
Ve več si znuomo što bode popeval i što ne bode zabavljal Čakovčanke i Čakovčance, očem reči, Međimorke i Međimorce za vreme glavnoga čakoskoga i međimorskoga proščeja? Kak je več par let v Čakovco popeval Halid Bešlič toplo sam se nadjal da bi to mogel ve biti nešči drugi, ali sam se pak i tu fkanil. Neje da Halid ne popevle lepo, neje da ga čujemo po celomo Čakovco i čakoskomo hataro, ali jega ljudi i ženi šteri jega ne trpijo. I kak so te bili dosti glasni i na Fejsbuko nesam očekival Halida na čakoskomo proščejo. No, kaj bom vam rekel, toplo sam se nadjal, a na mojo strani je bil penzioner Štefina, jegov partner vu kartanjo Tonča, a i teca Franca je meni držala štanjgo: mi smo se nadjali da nam bode na proščejo popeval Marko Perkovič Tompson, več je dugo ne bil v Čakovco, a niti pak v Međimorjo, ve ima nekše nove pesme, a i sin Ante je čuda bole kaj se zdraviča dotikavle. Velijo čakoski turistički težaki da sam se kesno javil?
