I nejbolši negda zgubijo
Kaj reči za Evropsko labodoritaško prvenstvo ve posle kak so naši labodoritaši odišli dimo? Nikaj spametnoga, se ide dale sam ga Kockasti i naših kibicov nega tam. A znate, čim ga ne naši kibicov, mam je ne nikaj kak je do unda bilo. Lepo je rekel naš brončano-srebrni izbornik zlatnoga sjaja Zlatko Daličov da je se kockasto dok so Vatreni tam i dok nasi kibici popevlejo “U boj, u boj za narod svoj…” Kaj bom vam rekel, nišči se je ne nadjal, pak niti naši Vatreni, kaj bi morali tak fletno oditi dimo i to predi drugoga kruga. Kaj se kibicov dotikavle šteri so bili na utakmicama v Dojčlando, za jiv se se zna nek mi doma smo se podelili pol-pol: prvoj polovici je bilo žal i neso si mogli najti mesta kaj je za nas i naše Vatrene se tak fletno završil of EURO, a drugi so skakali od veselja kaj so itak, posle šest let, naši i Daličovi Vatreni zgubili i mesto kaj bi dobili želencije, kak so nas to navčili, so odišli po riti k meši. Čim se je to pripetilo mam smo zazvedili kak naši labodoritaši nikaj ne vredijo, kak so pozabili igrati kak tre. I ne sam to, nek i Zlatkec Daličov nikaj ne vredi kak izbornik i tak dela kak da je se pozabil kaj je do prekfčera znal. Kapetan Vatrenih Luka Modričov je prek noči pozabil labodoritati i mam je postal pre stari, a još nema niti četrdeset let. I Ivek Perišičov je za staro kramo makar je hajdi mlajši od Modriča. Dok so pobeđivali sakoga do šteroga so došli unda smo jiv ne pitali kuliko so stari, bilo nam je važno da so bili dobri. Makar so i ve bili dobri, ali so na drugoj strani bili bolši i mam jiv pitamo kuliko so stari?
Sejeno, malo je čudno to Evropsko prvenstvo
Si znuomo što je v Dojčlando pobedil naše Vatrene: nejpredi Španjolci, posle Albanci i na se zadje so nas vum hitili Talijani. Da bodemo zgubili od Španjolcov to smo se, med nami rečeno i mogli nadjati jerbo so nas i lani pobedili v Ligi nacija, ali da ne bodemo pobedili Albance to se nišči ne nadjal. Se je bilo v redo do par minot predi kraja da so Albanci poravnali rezultata i pomalem nas hitili v slepo vulico. Ne do kraja, ali se smo karte hitili na Talijane i sigurni smo bili kak bodemo naše prve sosede pobedili i ostali dale na EURO. Šteli smo kaj bi tak bilo i se se kazalo da to bode tak i da je Božek ipak na našoj strani. I Božek je bil, ali nizozemski sodec si je drugač pregruntal i drugač si je premislil. Meli smo se v svojimi rokami, a unda je sodec Makeli, šteri je, kak smo zazvedili, gej ili pak peder, zel fučko vu svoje gej roke i produžil je utakmico i to tak dugo dok nam Talijani neso zabili gola i poslali nas dimo. Rekel sam vam da je to malo čudno prvenstvo jerbo geji i pederi sodijo. Kesno smo zazvedili da je sodec Makeli talijanski zet, očem reči, dečko mo je Talijan. Mi nemamo nikšega hasna od toga kaj so UEFA bosovi poslali i soca Makelija dimo posle kak je nam presodil!
Nejstarešima so pobegle soze…
Dok so nam Talijani napisali potnoga naloga za dimo, a šteroga je potpisal nizozemski labodoritaški gej-sodec Dani Makeli, mogli smo videti kak so našemo kapetano Luki Modričo pobegle soze. A kak mo i ne bodo, Luka je odigral 178. utakmico za Vatrene, i gola je zabil, a to se je ne bilo dosti kaj bi mi odišli dale. A se to zbog nizozemskoga gej-soca i talijanskoga zeta.
No, neso to bile jedine soze štere smo vidli na Evropskomo labodoritaškomo prvenstvo v Dojčlando. Soze so pobegle i portugalskomo kapetano Cristianu Ronaldo. On je za svojo reprezentacijo strelal elvera v 105. minoti na utakmici protiv naših sosedov Janezov. Ronaldo je vritnol nejbole kak je znal, ali je to ne bilo dosti dobro za slovenskoga golmana Jana Oblaka i Oblak je obranil elvera. I veliki Cristiano Ronaldo je ne zdržal, pobegle so mo soze i to ne dve-tri nek puno konto. Ronaldo se je plakal i prosil je trenera, igrače, kibice nek mo oprostijo jegovoga velikoga greha.
Što zna kak bi prešli Pepe i Ronaldo da je golman portugalske reprezentacije Diogo Costa ne bil v božekovoj cukor piksi na utakmici protiv sosedov Janezov. Najme kaj, v 115. minoti produžetka Pepe je čisto lopto dal v noge slovenskomo cetarforo Benjamino Šešku. Šeško, šteri igra v Dojčlando, za Lajpcig, sam se sjuril prema golo, ali ga je golman Costa sprečil kaj bi vritnol labodo v jegov gol i tak otpelal Janeze vu četvrtfinale Eura. Ali to je još ne se, Costa je Janezima obranil tri penale posle produžetkov i tak ostavil portugalsko labodoritaško reprezentacijo na životo, očem reči, Portugalci so “kupili” karto za Hamburg de bodo igrali s Francozima za polufinale Eura. To je jeno, a drugo Costa je produžil labodoritaško karijero kak Pepeo tak i Ronaldijo. Probajte si v pamet deti kak bi to bilo da je posle kak je Ronaldo ne zabil elvera Šeško skoristil šanso štero mo je Pepe narihtal. Najbrž bi Pepe i Ronaldo več bili v penziji?
Nigdar najte reči nigdar
Poznato vam je kak so i sosedi Srbi meli svoje labodoritaše na ovomo Evropskomo prvenstvo. Oni so svoje odigrali v C skupini, a mi svoje v B. Oni so svoje planerali, a mi pak svoje tak da so si, šteri se razmijo v labodoritanje, pak i naš tv komentator Joško Jeličič, prognozerali kak se nikak nebre pripetiti kaj bi se naša reprezentacija zišla z reprezentacijom Srbije. Očem reči da se nigdar nebre se napre splanerati tak da se, na se zadje, itak pripetilo da so se zišli naši i srpski labodoritaši. A de so se zišli? Zišli so se na aerodromo dok so dimo putuvali, jerbo kak znate i naši i jivi labodoritaši so ne prešli dale nek so išli dimo posle prvoga kruga. Ne veli se zabadav da je laboda okrogla!
