Tomek Tomaševičov je za Den antifašistov poklonil svojemo levomo purgerskomo biračkomo telo koncertlina i lepo nas je podučil kaj smo do ve mortik čuli, ali smo ne v pamet zeli. Podučil nas je kak je Ljubičica bela zabetonerani v fondoš ove Lepe naše i to se, tak nam je bar rekel, nigdar ne bode zmenilo, bar ne dok je on gracki načelnik v belom Zagreb grado. Još je dodal kcoj kak se on i jegova pajdašija, a oni so „suvremeni antifašisti“ (kaj god to značilo) morajo boriti kaj bodo jednake i kaj bodo mele ista prava se skupine??? Ak sam dobro razmel: kak desničari tak i levičari? To je rekel i živ ostal! Več par noči nebrem spati jerbo sam jako živčani, očem reči, jako sam najgerek kaj se nej to zazvedilo kaj je rekel pak bi naš Tomek konkureral za Nobelovo nagrado!!! Za glupost! Ne znati kam nam je Tomek hodal v školo (pripoveda se da je mladi i školani) i kaj so mo kak osvedočenomo levičaro z desničarske familije, (vu sakom žito se najde kukolja) ne poznata dela i reči Ljubičice bele (čitaj: druga Jože), šteri se je več 1992. leta zabetoneral vu fondoš Lepe naše dok je vu Slavonskomo Brodo rekel, makar ga je nišči ne nikaj o tomo pital, kak bode reka Sava, na čijem je levom šanco stal i pušil kubansko cigaro Fidela Castra, predi tekla nazaj, očem reči, v rikverc, nek bodo Hrvati meli svojo državo. Ve da to znamo i da je Tomek to zazvedil ne znamo što je itak zabetoneral Ljubičico belo vu fondoš Lepe naše? Najgerek sam, jako sam najgerek de je itak Tomek završil svoje škole kaj mo je to do ve ne bilo poznato i de je i kak zbavil državno maturo? Najbrž pre Klasičo, Markovini, Jakovini ili pak pre Ivijo Goldštajno!?
Levica idejo krajo !!??
Kuliko čujemo zagrebečki gracki načelnik je čistam se spremenil v belom Zagreb grado otkak je nasledil pokojnoga Milana Bandiča. Se za kaj se prime se zavijavle na levo tak da je pravo čudo kak so se zagrebečki purgeri ne počeli voziti po levoj strani vulice. No, neje to se, Tomek če duže dale se glasneše druka za ove z povorke ponosa, očem reči, za lezbače i za pedere. Ne znati što bode itak popunjaval se te stane v belom Zagreb grado šteri se zidajo ak bodo v glavnomo grado Lepe naše živeli ovi kaj skupa živijo, a nebrejo se pariti, očem reči, morejo se pariti sam bez hasna, lezbače i pederi. Tomek je ipak nekaj pozabil, ak bode on i dale na čelo povorke ponosa i ak bode i dale drukal za pedere najbrž se bode levica zdošla. Vidim da me čudno gledite i pitate, zakaj? Si znamo da i dok se moški igrajo z svojim ftičekima oni razgibavlejo i jačajo (svojo) desnico, pak tak i homiči, kaj nam rekel pederi.
Negda so buzoranti (čitaj: homiči, pederi) bili betežniki, unda so se za jiv spominali skrivečki i na jiv so z prstom kazali. Posle so dobili pravo glasa, očem reči, pršecijo ponosa tak da je to več ne beteg, neje sramota, neje niti lepo makar se nešterni z tem se falijo. Sa je sreča kaj sam več dosti stari, tu i tam se več pozna duha po čempresima i kaj nam doživel kaj bi to bilo obavezno, očem reči, kaj bi si morali biti buzoranti!
Znaš ti što je od mojega sina japa?
Morem vam reči da se tomo nišči ne nadjal, Sanja Musić Milanović, oliti kak bi žene na čehari rekle, Milanovička, Zokijova žena i mama Zokijova sina, da bo zela pravico vu svoje roke. Pošiljala je emajle ravnatelici zagrebečke klasične gimnazije v štero hoda jeni i Zokijov sin kak jiv sin čuda bole zna matematiko (i računico) nek je to ocenila klasična profesorica dok mo je dala četvorko. Kaj god. Istina božek da je ravnatelica posle emajla i jezikove juhe poprajla to nepravdo, to ocjeno, ali več je špot-sramota napravlena. Nebre Zokijov sin biti hujši od jape, šteri je bil naj đak i mel je same petice, ak znamo, z fizike, kak jabuka nigdar ne padne dauko fkrej od stebla. Mortik gospa Sanja neče kaj jim sin bode političar, kak japa, nek bode nekaj drugo delal, a za to unda mora meti same odlične ocjene ??
Pital sam teco Franco kaj ona ima za reči za Milanovičko i Zokijovoga sina i morem vam reči da me je bledo gledal jerbo ona nema pojma da se je tua „školska huncvutarija“ pripetila. A kaj teca Franca je, kak državni cajtungi, kaj ona ne zna to se je niti ne pripetilo. A ako se je ne nikaj pripetilo unda sam jako najgerek kakšo bode itak ocjeno mel z matematike i računice mali Milanovič; (profesoričino) četvorko ili pak (mamino) petico?
Jaslice i zabavišta falijo
Ve se je v Čakovco pripetilo ono za kaj več hajdi let Božeka proslimo, a to je kaj bi v grado prijatelo dece bilo sako leto se vejč i vejč dece. Istina Božek da je hajdi dotepencov kupilo stane i ve živi v Čakovco, z jedne strane, a z druge strane so se i Čakovčanke i Čakovčanci genuli pak so i oni počeli deco delati. Ne znati de so delali deco jerbo so postele nikaj ne škripale? Znate kuliko let sam jiv več prosil nek deco delajo jerbo se bode pripetilo kaj bodo zabavišta i škole prazni i ve smo došli do toga kaj ga ne dosti mesta v zabavištima, očem reči, v jaslicama. A si znuomo kak je biračko telo haklik dok zbere nove gracke oce, novo gracko vlast, a unda nebrejo svojo deco voziti v zabavišta. Makar se je broj dece povečal ali se je ne povečal prek noči, jaslice i zabavišta ne muoči zazidati tak fletno. Naši ljudi, kak Čakovčanke i Čakovčanci tak i Međimorke i Međimorci se v kratkomo časo snajdejo i več so otprli obrte za deco paziti. Ne znati je li so to oni do fčerašji obrti za deco delati, pak so jiv ve posle korone preregistrerali vu obrte za deco paziti, kak bilo da bilo japeki i mamike šteri nemajo kam z malom decom bodo jiv mogli stavljati vu tem obrtima dok deca ne zrastejo i to tak kaj bodo mogli hodati vu zabavišta. Velijo gracki oci, očem reči, čakoska gradonačelnica da ga v zabavištima dosta mesta sam je v jaslicama malo knap. Do ve nas je ne fkanila pak joj moremo veruvati!
