De bode itak tomo kraj…
Najte me krivo razmeti, nesam ja protiv kulture, ali da mi v Lepoj Našoj delamo četrdeset kulturnih centrov za Srbe to nebrem nikak razmeti, pak bodo oni meli vejč kulturnih centrov od nas Hrvatov. Kak zgledi da bodo vu sakom grado i vu saki seli de so oni je, bodo meli svojega kulturnoga centra, a bormeš mi to nemamo. Bar ne novoga. Neje dosti kaj imajo svoje novine, svoje novinare, svoje portale i još kajkaj toga vu čemo i dale rovarijo protiv nas i prek sake mere kaj nam rekel blatijo i mrzijo Lepo Našo vu šteroj živijo i štera jim saki den kruha vu roke davle. Ve jim bodemo još i kulturne centre zazidali, a unda se bodemo čudili kaj oni ne nucajo nas nek furt rovarijo protiv nas. Sploh jiv nekaj na istok (čitaj: dimo) vleče. No, to je još ne se, šepetuji se i to se glasneše i glasneše kak so se dospomenuli z “našom“ Vladom kaj bodo se obnavljali i si jivi spomeniki z Drugoga rata kaj bi rekli NOB-a. Neso dosti laži štere od jiv i z Beograda još poslušamo o Drugomo rato (Jasenovac, Ofenzive, Križni pot, Goli otok, jezerosedesto jami z sfondanim Hrvatima…), a ve jim bodemo još i spomenike popravljali? A za vreme Drugoga rata so pobili vejč Hrvatov nek obedve atomske bombe štere so hičene na Hirošimo i Nagasaki.
I Dražena Petroviča bodemo prodali?
Minuli mesec smo obilježili šezdeset letnico rođenja našega nejbolšega košarkaša sih vremena Dražena Petroviča (22. oktober 1964.), šteri je nastradal v Dojčlando vu saobračajnoj nesreči 7. junjuša 1993. leta. Kak je igral zvali so ga košarkaški Mozart, bil je proglašen za nejbolšega košarkaša Evrope štiri pot, bil je prvi kapetan košarkaške reprezentacije Lepe naše, počel je igrati v Šibenki, posle je prešel v Cibono, a unda v Real Madrid, a na se zadje je završil v NBA ligi kak prvi Hrvat, a v košarkaško hižo slavnih je uvršten 2002. leta. Bil je Hrvat od glave do pete i z tem se je štimal. Dok je došel prvič v NBA (1989. Portland) i dok so ga predstavljali voditelj ga je predstavil kak Jugoslavena, a on mo je zel mikrofona z roke, ispravil je krivi navod i rekel: “Ja nisam Jugoslaven, ja sam Hrvat!”. I posle toga ga je več nigdar nišči ne zval Jugoslavenom, a toga ga ne na filmo!A nega niti toga kaj se je navek slikal z hrvackom zastavom.
I ve dok mi to se znuomo, dok se još navek štimamo žnjim makar ga nega več na ovomo sveto duže od tridesti let ve mi damo filma o jemo snimati Srbima i to Danilo Šerbedžiji sino od Rade Šerbeđije, šteri je 1991. leta pobegel v Srbijo i unda se čudimo kaj ga pol doživljaji Draženovih ne vu filmo. Ne sam kaj je Danilo režiral filma, a japa mo je pomagal, nek je i suradnike i glumce dopelal z one strane Drine tak da je zišlo kak je Draženo Petrovičo Vlado Divac bil nejbolši pajdaš, a sima nam je poznato kaj je Divac napravil z hrvatskom ili kak je rekel, ustaškom zastavom, a Dražen je bil veliki Hrvat i nigdar je to ne skrival. Mesto da smo se z tem filmom zafalili velikomo Draženo, šteroga so poštivali v Lepoj Našoj, v Evropi i ne sam v Evropi nek i v Ameriki (čitaj: celomo sveto), a ve je te film zišel tak da ga naši sosedi vlečejo pod svojo zastavo (našo je ionak Divac zgazil) i srpski provokatori i naši jugonostalgičari ga nucajo kaj znova spituvlejo što je vništil prepalo bratctvo i jedinstvo: (čitaj: što nas bre zavadi…). Skoristili so filma i to kaj jim mi prek reda popuščamo kaj so zapregli Dražena vu srpska kola, a se je to blagoslovila mama Biserka. Nišči se je ne zapital kaj bi na to rekel Dražen veliki naš i svecki košarkaš i još vekši Hrvat?
Osemdeset let je trelo minuti kaj bi se nešči toga zmislil
Osemdeset let je minulo od da je međimorski bataljon Kalničkoga partizanskoga odreda v oktobro 1944. leta došel v Međimorje. Ovo leto je te događaj prvič obilježen, prvič je isplaval i to v Podturno. Nebrem to nikak razmeti kak je stopram ve tua istina došla na svetlo dneva dok ga več ne na životo niti jednoga partizan z toga bataljona. Nekak mi to ne zgledi kak treba jerbo da je to bilo tak zakaj se je to ne obilježilo predi dok so nešterni od teh, kak velijo, 126 partizanov još bil živ. I ne sam to, velike so bitke bile protiv Mađarov, šteri so predi toga kapitulerali, a naši partizani so meli sam jenoga poginuloga, a kuliko je Mađarov odišlo k Božeko na račun ova naša nova međimurska partizanska povjest nam nikaj ne govori. Nekaj si gruntam, a zakaj bi se bili Mađari borili ak so več kapitulerali i oni so znali da je sam pitanje dneva da bodo morali oditi z Međimurja i hititi puške v kuruzo. Osemdeset let se je nikaj o tome ne govorilo, a niti pak so se žene, bilo da, o tomo spominale bilo na mlekari ili pak čehari jerbo da se je nekaj takšega pripetilo o tomo bi se spominalo i to na veliko. Ve par let tomo nazaj sam mel priliko za čuti, dok se obslužavalo oslobođenje Međimurja šestoga aprila četrdesetpetoga leta, kak so Međimorje ne oslobodili partizani nek Bugari i Rusi; a partizani so došli z Kalnika prek Drave posle bitke za Štrigovo (16.04.). Moj se japa vrnul z Kalnika posle 20. aprila. Rečite mi, prosim vas lepo, zakaj so unda ne parizani pomogli Bugarima i Rusima ak so več v oktobro 1944. leta bili spremni za borbo, pobeđivali se pred sobom i kak jiv je hajdi bilo v međimorskomo bataljono, šteri je posle prerasel v Međimorski partizanski odred?
Još nekaj me gvinta, ve posle osemdeset let obilježavamo bitke i pobjede za Jugo za štere smo ne znali, ve dok so več si šteri so se borili na drugomo sveto, a zakaj ne obilježavamo bitke i stradanja naših branitelov, naših Međimorcov vu Domovinskomo rato i to kaj se zafalimo onima šteri so dali svoje živote, a ruon tak i onima šteri so se borili za ovo našo samostalno i neovisno Lepo Našo v šteroj si skupa živimo. A znuomo da so nam naši branitelji omogučili kaj imamo svojo državo, a ne partizani. Več je od Domovinskoga rata minulo skorom tridesti let, pak ne mora minuti osemdeset kaj zazvedimo kaj se je pripetilo? Ono kaj se je pripetilo kaj znuomo moramo poštuvati, moramo zafaliti onima šteri so nejveč doprinesli i moramo prenašati na mlajše, našo deco, kaj bodo i oni znali što jim je omogučil kaj živijo, skupa z nami, vu svojoj samostalnoj i neovisnoj državi.
