Kak sam zadji pot napisal da mi v Lepoj našoj šteri smo pretirali četnike i jugo soldate z našega hatara, očem reči, da smo četnike i se jive pajdaše poseli na traktore i poslali smo jiv tuo otkod so i došli. Dosti so nas muočili štiri leti i to skorom po celomo hataro Lepe naše, a unda je bljesnola Oluja i se je pomalem došlo na svoje. Zna se da je Lepe naša i zna se što tu hercuje od stoletja sedmoga. No, kaj je je je. Četniki se nebrejo pomiriti z tem kaj so zgubili Domovinskoga rata i još so ne prestali sejati mejo Virovitica – Karlovac – Karlobag. Kaj bomo rekli, to so jive brige, to so jivi problemi, to so jive seje i zato nikak nebrem razmeti zakaj bi se mi morali za to brigati i zakaj bi mi pobedniki tebali pitati jiv šteri so zgubili rata je li slobodno slavimo svoj Den pobjede, Den domovinske zahvalnosti i Den hrvackih branitelov. To je naš svetek i mi ga bodemo slavili kak mi očemo, de očemo, da očemo i kak dugo očemo. Tak bi moralo biti, ali se mi v Lepoj našoj nekak tu fkrej držimo i se okoli poslušamo kaj bo nam što rekel i jeli naši protivniki v rato bodo zadovolni i je li ne bodo gombali ak bodemo mi to malo preglasno naprajli. To je naša zemla, tu mi hercujemo, mi Hrvati.
Tak bi morali biti, ali smo mi ve miro nekak čuda bole strahom nek v rato.Najme kaj, nekak se sako leto bole fkrej vlečemo od tvrđave v Knino de so naši Međimorci 1995. leta postajli dvajsti meterno hrvatcko zastavo i od glavne vulice vu šteroj se je feštalo duže od dvajsti let posle Oluje. Ovo leto je fešta bila na labodoritaškomo igrališčo NK „Dinare“, ali ak se bodemo i dale fkrej vlekli drugo leto bi fešta mogla biti v Kistanjo.
Prinas v Čakovco so se branitelji i si drugi šteri poštuvlejo našo pobjedo, naše branitelje i Lepo našo den predi, 4.augustuša i to pre spomeniko našim herojima šteri so svoje živote dali za Lepo našo. Drugi den je bila, v čakoskoj starešoj cirkvi svetoga Nikole biškupa, meša za se naše poginule branitelje i za Lepo našo. Meša je služena, a na mešo je skorom nišči ne došel. Moram reči da so si naši poginuli braniteli i Lepa naša ne zaslužili kaj smo si ne zeli časa i došli se pomoliti za preminule dušice i Božeko zafaliti za Lepo našo. Državni je svetek, ne dela se, a cirkva i klecale skorom prazne. Rečite mi, prosim vas lepo, kak to zgledi da v cirkvo v štero zide šesto ljudi dojde dvajsti vernikov? Kak zgledi? Kak da je nišči ne došel, kak da je prazna! Kaj smo več pozabili kak so naši branitelji, naši vitezovi 1991. leta išli u boj, u boj za hatar svoj, z puškom na pleči, z krunicom okoli šijaka i z molitvom v srco. A mi nemamo čas kaj bi došli i zafalili za se to kaj imamo. Nemamo čuda, ali imamo čuda vejč nek smo meli i kuliko vidimo vejč nek smo zaslužili. Da so se naši braniteli tak zbirali 1991. Leta još bi rat dendenes trajal ili pak bi meja bila na Muri, a ne vu Virovitici ili pak Karlovco!!?
Minule so i lanjske Olimpiske igre štero so se ovo leto održale v Japano. Naši športaši so osvojili osem želenciji, tri zlatne, tri srebrne i dve brončane. Navek je tak kaj so jeni za štere smo se nadjali kaj bodo osvojili želencije dimo došli z praznaj rokaj, ali so drugi za štere smo se nikak ne nadjali osvojili želencije, pak se to zgliha. Napriliko Sandra Perkovič i Sara Kolak zlatne z Brazila so nikak ne posložile svoje nišane i ostale so praznih rok. Kuliko sam mel za čuti ne paše jim Olimpijada v neparnomo leti tak da na jiv i jive želenicje moremo računati za tri leti v Parizo. Za Pariz se prepravljajo i rokometaši, vaterpolisti, boksači, čujem i košarkaši, tak da nas čeka jena bogata Olimpijada kaj se želenciji dotikavle.
Naša Matea Jelič, zlatna tekvandašica, z Knina se je dospomenula z brončanim pajdašom Tonijom i ruon tak zlatnim Sinkovičima kaj bodo svoje želencije preslavili v Knino, otkod je zdoma, skupa z Olujom. Nebrete veruvati kakše so joj se gnjusne reči pošiljali prek Fejsbuka i drugih mreži zbog radi te fešte. Nebrem razmeti ljude šteri so vu svojemo živlenjo nigdar nikaj ne osvojili i ve određuvlejo de i kak bodo naši zlatni športaši feštali z svojimi pajdaši i z kolajnami na šijako. Kaj si se ljudi ne dopuščajo. Morete si pregruntati kakše je to veselje da čovek – športaš štiri ili još vejč let trenera za Olimpijado i unda osvoji zlato i ve to nesme preslaviti onak kak si je on to pregruntal. Tu bi nešči našim zlatnim športašima zapovedal, a dok vežbajo i trenerajo unda jiv nišči niti ne dojde glet. Nešternim kibicima so reči grubijanske došle na pamet i na jezike zbog radi fešte, a kaj bi se stopram se čulo da so nika ne osvojili.
Zlatno brončana fešta je bila v Knino vo vreme Oluje i to z pajdašima, trenerima,rodbinom, kibicima, a na fešto je došel i športaše razveselil Marko Perkovič Tomson. Nejveč pot je popevana jegova pesma štero športaši nejrajši imajo, a to je Lepa li si. Nebrem razmeti zakaj se nešterni bunijo protiv te lepe, očem reči, nejlepše pesme? Saka reč mo je na pravi mesti i zato jo športaši tak rado popevlejo. Bodem jo napisal, pak mi rečite, prosim vas lepo, kaj vu toj pesmi ne valja?
Kad se sjetim suza krene
Zamirišu uspomene
Svake stope rodnog kraja
I narodnih običaja.
Prepoznah ljepotu tvoju
Što probudi ljubav moju
Kad sam s tobom srce moje
Kuca jače, veliko je
Ref. Oj Zagoro, lijepa li si
Slavonijo, zlatna ti si
Herceg-Bosno, srce ponosno
Dalmacijo, more moje
Jedna duša, a nas dvoje
Pozdrav Liko, Velebita diko
Lijepa li si…
Kad Neretva moru krene
Ti se tada sjeti mene
Mojoj pjesmi budi tema
Za sve one kojih nema
Ajde Istro i Zagorje
Podignimo sve tri boje
Zagrlimo se pred svima
Neka vide da nas ima
