309[layerslider id=”6″]
Ivek Vrdoljakov, dofčerašnji precednik HNS (neje Hrvatski Nogo(labodo)ritaški Savez) je ne zdržal i uspel je cuga svoje stranke otpelati v Plenkijovo dvorišče, ali je on, predi nek se je zaprla potna lesa skočil vum z lokomotive. On je sam znal da ima tuliko putra na glavi kaj to nebre sam rešiti i zato je moral nekaj naprajti kaj dojde v Plenkijovo cukor pikso. A dok več bode tam unda bode se vredo i mogel bode mirno spati. Par meseci nazaj smo bili svedoki kak je Ivek drukal za Hadeze i kak se je nudil Plenkijo kaj zeme jega i jegove vu Vlado i tak se reši Mosta šteri je skorom saki den zaprdnul nekaj novoga i neje posluhnul gazdo Drašeka dok je nejbole trelo. Kuliko vidimo dečki z Mosta so se preračunali pak so zglajzali, tak da mi v Lepoj našoj imamo na pameti sam još jenoga mosta i to je of šteroga bodemo delali za otok Pelješac. A čim je Plenki sforšibal Mosta, jegove ministre i precednika Sabora unda je Vrdoljak bil na kojo jerbo je znal da on, samo on i jegovi Narodnjaki morejo popuniti mesta štera so se spraznila dok se je Most podral.
No, kuliko smo zazvedili neje Ivekov pes lajal zbogradi sela nek zbog radi gazde. Sam Ivek zna kuliko je političkih grehov napravil, a još vejč onih štere mo je politika privoščila. Teško je zdržati dok ti prilika pruži priliko kaj bodeš hasnuval kolača, a ne sam kruha. Tu mi je na pamet pala ona životna istina kaj se je pripetila Bariki i Štefo. Najme kaj, Štef je pozval Bariko jeno nedeljno odvečerko na špancer po sinokoši i šumici. Mladi kak mladi, malo so se špancerali, mali so se gledali i sam jempot je Barika postala i da ne bode da le išla z Štefom jerbo je strahom da jo bode on skoristil i povenodjal. Štef si je dek roko na srce i zaklel se je da je on poštejak i da se ne mora nikaj bojati i da mo je venodjanje ne još niti na pamet palo. Išli so oni dale, spominek je tekel tečno, kak se to i šika i došli so do šumice i Barika je postala da nejde dale jerbo joj nekaj govori da jo Štefek bode povenodjal čim zajdejo v šumico. Još je priznala kak joj se furt to mota po glavi. Štefek je još jempot hitil se na svoje pošteje i genuli so dale. Nejso prešli tristo metri i Barika je znova postala i dala je vum ono kaj jo je furt gvintalo: Štefek, znaš kaj, furt mi se to mota po glavi kak ti kaniš mene povenodjati, pak dej to več jempot napravi kaj se ja toga rešim! Tak vam je bilo to i z Ivekom Vrdoljakovim, jega je furt pretiraval občutek kaj se mora skompati z Drašekom kak bi dugo i dobro živel i neje mel mira dok je to ne napravil. Makar je skočil z cuga predi nek so se Hadezeova vrata za jim zaprla, ipak je posle toga mirno zaspal kak mala beba. Opal mo je terh z srca. I ne sam z srca!
Dok jenomo vgasne v pipi, drugomo se presveti. Tak so zišli dofčerašnji varaždinski župan Predrag Štromar i naš novi-stari župan Matek Posavcov. Oni su prevzeli cugle stranačke vlasti i odhajali so na spominke k precedniko vlade Drašeko. Kuliko smo meli za čuti skorom se so se dospomenuli i več so novi ministri zavzeli svoja mesta v praznim foteljama, a i saborniki so zavzeli svoja mesta tak da se je politički život malo smiril i predi urlaba bode Plenki del se na svoja mesta. Što bi rekel za Drašeka da on to bode tak spametno spelal? Na se zadje je to tak zišlo kaj so Narodnjaki spasili Lejpo našo od novih izborov. Kak ve to lepo zgledi, ali morete si misliti kuliko sega so se naposlušali od ljevičarov (čitaj: esdepeovcov) jerbo demokracija je prinas v Lepoj našoj ak Narodnjaki napravijo „Kukuriku“ koalicijo z Esdepeom, ali ak se oni skompajo z Hadezeom unda je to nekaj nejhujšega, kaj ne bodemo spominjali prostitucijo, kak so to delali „ljevičari“!
Pred drugi krug izborov čudapot so se ljudi spominali što je itak poslal Čačiča nazaj v politiko i kaj mo je to trelo, a dok je znova pobedil, dok so ga Varaždinci i Zagorci znova zebrali za svojega župana, kak da so pozabili da so ga zadjipot zmenili na pol mandata jerbo jim je tuliko dugi napravil kaj so još navek dužni. Ali biračko telo je tak zebralo. Mam posle se je vidlo kak je to bilo spametno jerbo je Štromar, črez par dni , postal minister i da so ne zebrali Čačiča morali bi iti znova glase davat. Kuliko vidimo nikaj je ne slučajno, tak da ve i Zagorci imajo svojega ministra.
Navelikom se je pripovedalo kak se bode našla i jenda ministarska fotelja za našega Mateka, ali on je, bar za ve, ostal v naši županijski fotelji, očem reči, mora naprajti se posle štere je zafremal prinas vu Međimorjo, a unda bode se otpravil, trbuhom za kruhom, prek Drave iskat političkoga kruha v belom Zagreb grado. Nebrem tu nikaj reči, najbrž čovek zna kaj dela, makar smo malo (sam malo) jalni Zagorcima kak oni ve imajo ministra, a mi pak nemamo. Ali smo bili čistam blizo!?
Još je negda pokojni Tonča rekel da treba igrati dok čoveka karta ide. Tak so ve naprajli Haenesovci: nejpredi so bili protiv Hadezeja, a unda je došla noč dok so spali z otprtimi očmi i drugi den so se naslonili na desno (čitaj: na HDZ), a posle toga je več nikaj ne bilo kak predi. Kak je to i Ivek Vrdoljakov splaneral, stranka se raskolila na pol i vum so odišle puce: Anka Mrak Taritaš, Nada Turina Đurič i Vesna Pusič, a žnjim je odišel i Ivek. On je Haenesovce spavil k Hadezeovcima i opral si je roke, kak Poncije Pilat, tak da so ve pak vu vlasti, imajo ministra i potprecednika Vlade. To je ne ruon tak malo da se zna kak i Ivek more ve mirno spati i več mo v senje ne dohaja Remetinec kak otpremnina za minulo delo.
Se je bilo prepravleno kak to dragi Božek zapoveda: naši državni labodoritaši so se prepravljali vu Svetomo Martino za to kaj bodo pobedili na Islando. Najme kaj, Sveti Martin so toplice z toplom vodom i zato so naši labodoritaši došli k nam v Međimorje kak bi bili prepravleni na se kaj jif je moglo dočakati v toplicaj na Islando. No, ali kak zgledi, oni so se naprajli prvih devedeset minot, ali dok so se naši labodoritaši več pomalem spravlajli pod tuše domaći so zabili gola i pobedili. Naši so zišli kak lajbeki, pak kaj jim je ne nišči rekel da je kraj utakmice dok sodec otfučka kraja, a ne dok mine devedeset minot. Ali morem vam reči tak je bilo i na treningo pre Svetomo Martino: trener Čačič je i tu skratil treninga par minot kaj so labodoritaši predi počeli deliti slike i autograme, a tak so to labodoritaši naprajli i na Islando. Čim je završila devedeseta minota naši dečki so zeli penkale v roke i ravnali so se davat autograme, a Islanđani so još igrali i na se zadje so naši odišli po riti k meši. Kaj nam je to trelo?
Minulo soboto je v Čakovco popeval Đorđe (čitaj: Đura) Balaševičov i došlo ga je glet (meje) i poslušat (čuda vejč) ljudi z sih strana, kak domaći tak i stranjskih. Čuda je bilo naših sosedov z Lejpe naše, Dežele, Mađarske, Osterajha, Bosne, pak je bila prilika kaj si čakoski gracki oci malo popunjo gracko kaso. Najme kaj, Đura je popeval, a peneze so pobirali komunalci za parkerane aute. Ak so se ljudi tijam v Čakovec dopelali, ak so si mogli kupiti drage karte unda morejo nekaj platiti i za to kaj so gazili čakosko travo i dihali friškoga međimorskoga zraka. Saki mora meti nekšega hasna od Đurijovoga koncertlina. Brzčas je i Đura nekaj zaslužil, a i Pero, šteromo je se to na pamet palo, je ne zabadaf to delal. Nebrem razmeti zakaj so unda si gombali sam na naše komunalce?
Minulo je i proščeje Svetoga Tončega na čakoskomo Jugo. Glavna meša je bila na samo godovno, v tork, v jedanajsti vuri, a služil jo je sisački biškup mons. Vlado Košič. Predi meše je bila velika pršecija po Jugo v šteroj je bilo prek jezero ljudi. Na meši je bil Štef Kovačov i obedva zamjeniki čakoskoga gradonačelnika, Mario Medved i Zoran Vidovič. Gradonačelnik je mel druge obaveze, ali je zato tu bil jegov japa isto tak Štef Kovač.
Prinas v Međimorjo ga nejmeje bolovanja v Lepoj našoj jerbo doktorove nalaze o betego gazdi ne priznajo. Velijo: ak moreš dojti do doktora unda moreš dojti i na posel!
