Odnegda, očem reči, još od minuloga stoletja so bili problemi z Svetom Marijom. Ne morate si preveč gruntati nek vam bodem ja to povedal. Neje to zato kaj bi ja bil vum spameten nek zato kaj sam si zel malo cajta, nekaj sam si prečital i očem to se kaj znuom reči i vam kaj bodete i vi to znali. Predi Domovinskoga rata, predi nek smo mi Međimorci i naši prvi sosedi zborili svojoj državo Lepo našo, Sveta Marija je bila poznata kak Marija na Muri, a si znuomo da polek Svete Marije teče Drava. Prepovedajo stareši ljudi da je to ime Sveta Marija herbala dok so Mađari (?) hercuvali z Međimorjem i da je Sveto Marijo smestil nešči z Pešte na Muro šteri je nigdar ne bil v Međimorjo. Oni birovi šteri so „krstili“ Svetu Marijo so čuli da polek toga mesta teče nekša reka, a prva jim je na pamet pala Mura pak je posle toga Sveta Marija hajdi let živela kak Marija na Muri. Naši državni strujači (HEP) so devedesetih let minuloga stoletja delali elektrano na vodo polek Svete Marije i nejso na pameti meli Muro jerbo so elektrano delali na Dravi pak so jo nazvali Dubrava kaj se nej zamerili Sveomarčanima šteri živijo „ na Muri“, a i eleltrani štero so zafremali na Dravi. Da bi si bili zadovoljni nazvali so jo Dubrava, kaj god to značilo. Restepla se je Juga, minul je Domovinski rat i Sveta Marija je nazaj dobila svoje mesto i mesto pod suncom tak da več tridesti let mi v Međimorjo imamo Sveto Marijo i ve je to ne sam mesto nek i opčina. Zakaj vam to pripovedam? Ve se bode delala još jena elektrana na hataro Svete Marije i to ova pod suncom nebeskim, očem reči, solarna i kuliko čujemo bode se zvala ne sam Dobrava nek i Doljnja Dobrava makar bo na Svetomarskom hataro. Nikak da Sveta Marija dobi svoje mesto pod suncom, stalno se ono kaj se napravi vu Svetoj Mariji porine pod hatar Dobrave kaj nem rekel Doljnje Dobrave!?
Štel sam vam pravzaprav reči kak je Sveta Marija pretekla Draškovčance kaj se dotikavle sunčane elektrane. Več se na leta pripoveda kak bode Draškovec mel svoje toplice jerbo ga prekpreveč vode pod međimorskom zemljom na tomo hataro i kak bodo Draškovčanci meli i svoje sončane elektrane jerbo sonce Božekovo na tem hataro sveti bole i ne sam sveti nek i greje bole nek bilo de drugdi v Lepoj našoj. Draškovčanci se svadijo z našim Dalmošima o tomo de sonce greje bole, očem reči, de je topleše v Dalmaciji ili pak v Međimorjo. Naši Međimorci, naši Draškovčanci so uspeli dokazati Dalmošima da je naše međimorsko sonce bolše i vredneše od jivoga, ali po ministarstvima Lejpe naše sedijo Dalmoši i oni davlejo dozvole za sončane elektrane, a i za toplice po Međimorjo tak da ne znati da bode i je li igda bode počela teči struja od „Draškoskoga sonca“. Ve dok smo zazvedili kak bodejo državni strujači (HEP) delali svojo sončano elektrano i to na hataro Svete Marije moremo si čistam lefko pregruntati da bodo Draškovčanci meli svojo elektrano, svojo strujo i svoje toplice. Sonce imajo, to jim nišči nebre zeti, a za se drugo morajo čakati i to, najbrž, po onoj staroj pučkoj: „čakaj oslek dok trava zraste!“ Kak bilo da bilo, nejglavneše je da bodemo, posle vodene struje z Marije na Muri, meli i sončano strujo z Svete marije, a se to z Dobravski elektrani.
Dok smo mi obični smrtniki svetkuvali godovno svetoga Valčija, očem reči, Zdravkeca i Valentina naši međimorski esdepeovci so zbavili svoje, kak se to po štacunskim veli, unutarstranačke izbore. Glavni adut, kak to kartaši velijo, v SDP-ejo je bil nedelski načelnik Nikola Novakov. On je splaval na vrh SDP-eja posle svaji okoli staroga dugoletnoga vodečega esdepeovca Mladena, ruon tak Novaka ne z Nedelišla neg z Slakovca. Isti hatar, ista opčina sam drugi mesni odbor. Posle izborov se zazvedilo, a to so zazvedili oni šteri so brojili listeke, da so Čakovčanci posle hajdi cajta znova dobili svojega precednika: posle Ivice Perhoča zebrani je Mario Medved. Na partiskaj izboraj je pobedila koalicija SDP _ ogjogasci tak da je ve Mario glavni međimorski ogjogasec i nejglavneši esdepeovac. I unda bo nešči rekel kak se kotač sreče more vrteti sam od sebe? Nebre se jerbo ga morajo tirati ogjogasci. Pak morajo i ogjogasci nekaj delati ve dok ga ne preveč ogjov i dok ne gori smetje v Totovco.
Morem vam reči da sam se nadjal da bodo SDP izbori bole tak zišli kak so zišli, a posle minuloga tjedna i posle kak je kulturnjak Dejan Buvačov zletel z Upravnoga vječa čakoskoga Kulturnoga centra samo zbog radi toga kaj je Nedeliščanec, stoprocentno sam bil siguren da nedeliščanec Nikola Novakov nebre pobediti Čakovčanca Maria Medveda. Kuliko vidimo Čakovčanci pomalem jemlejo vu svoje roke cugle vlasti de god to morejo. Kaj god to značilo.
Ve za Valentinovo dok so ftčeki kolačeke pekli i dok so se ftičeki ženili znova sam si trl glavo (ili kak to lepo teca Franca veli: ne me brige, ali bi štela znati) zakaj soseda Barika pušča k sebi soseda Tonča, a ima rada svojega Slaveka. Kaj ne bodete si vi gruntali kak je sosed Tonča furt pre sosedi Bariki, ne, sam unda dok sosed Slavek odide na ribičijo. Kaj bi rekli sosed Tonča je pomočnik sosedo Slaveko pre jegovoj Bariki. Ne znati je li sosed Slavek znua da ga, tu i tam, sosed Tonča meja v posteli pre jegovi Bariki? I bole da ne zna jerbo ak bi znal unda bi moral toga posla i platiti, a to je denes vu tem teškim vremenima ne lefko. Se cene ido gori, a unda ti dojde i novi strošek šteroga si se nejmeje nadjal. Znate kak je to, teško je bilo soseda Slaveka nekaj o tomo pitati pak sam zel čokolado i cveteka i odišel k vrtni sosedi Bariki čestitat Valentinovo i pitat kak je joj z Slavekom, a kak z Tončom. Morem vam reči, posle tretjega frakleca sam se zazvedil. Barika zove Tonča dok Slavek odide na ribičijo jerbo Tonča ima dukšo i deblešo moško meštrijo štera taman paše v jeno školjkico, a Slaveka ima rada jerbo je Slavek strašno dober čovek. Kak, da i de je Barika zazvedila kakšo meštrijo Tonča ima nesam uspel zazvediti. A znate i sami, sam jempot je prvič, a se dale je drugoč.
Neje niti Tonča zdržal kaj se nej pofalil: -Priznal je, dok navčiš soseda (Slaveka) ribe loviti moreš navek oditi do sosede (Barike) dok sosed odide na ribičijo.
