Niti jena naša tekma nemre prejti bez stresovi… Kaj reći posle ovoga?
Rekli smo da smo prvo poluvreme protiv Španjolci igrali hudo kaj pa je unda bilo ovo denes? Ak bumo realni, Albanci su nas to prvo poluvreme morali voditi 3:0.
Zgledali smo kak da smo se prvi pot zišli. Nesmo mogli dobiti duela, sporo smo okretali strane, kesnili smo v presing, jednostavno nesmo došli na prvo poluvreme.
V 11. minoti Gvardiol je dišel visoko za svojim igračom, nit se Šutalo pomeknul kaj zapre rupu, a Brozović naravno neje ispratil Lacija koji je nakon top centaršuta Asslanija glavom zabil za 1:0.
Albanci su nas v te akciji razvlekli kak testo za pizzu, a kak je rekel legendarni golman Tomislav Ivković, mogel je i Livaković bolje reagerati. Baš zahvaljujući Liviju, moremo biti sretni kaj je ostalo samo 1:0 na poluvremenu.
Jer je v 31. minoti obranil zicera Asslaniju, a v prvi minoti nadoknade je obranil udarca glavom Manaja. Naš jedini pokušaj prema golu desil se v 26. minoti dok je Majer centreral, a Petković pucal glavom prek gola.
Već na poluvremenu Dalić vadi vun Brozovića i Majera, a umjesto njih ušli su mlodi Sučić i Pašalić. Prodihali smo i krenuli plesti mrežu oko trdoga albanskoga bunkera.
Proigrali smo konačno i počeli stvarati šanse. Već v 50. Sučić je dobro pucal, a njegov šut obranil je Strakosha. Tri minote poslje pucal je Kovačić pak je obranil albanski golman.
Seljački rečeno, v prvih deset minot napravili smo već nego celo prvo poluvreme, a pritisak se nastavil i dalje. Kak je utakmica išla dalje vidlo se da je samo pitanje vremena da bumo zabili gola.
Gol je visel v zraku, a v 58. minoti Šutalo je posle kornera Modrića ostal sam i glavom spucal malo iznad gola. Albanci su prvi pot spucali i došli do gola v 63. minuti, a pak je pucal Asllani direkt v Livija.
Gol koji nam je tolko trebal konačno je došel v 73. minoti nakon sjajne akcije zabil je dečko z Bednje, Andrej Kramarićććććććć.
Albanci se nesu stigli snajti, Vatreni su nanjušili krv i krenuli po drugoga. Opet nakon sjajne akcije u par poteza, Sučić puca, a njegov udarac blokera Djimsiti, a lopta se od Gjasule odbija v goooooool.
Normalno tribine v Hamburgu su poludele, a uz takvu podršku, Vatreni su nastavili dalje. Do kraja tekme vredi izdvojiti udarac Modrića i sjajan dribljing Baturine koji je Albance rušil kaj čunjeve.
V 89. minoti srce, nam je pak zatitralo. Hoxha je krenul u svoj poznati prodor, pucal z nekih 20 metri, a Livaković super obranil.
To je samo uvod onoga kaj se desilo šest minot poslje. V peti minoti nadoknade, pak je Hoxha dobro prešel odigral, Šutalo probal izbiti, a loptu proslijedil do Gjasule koji je pak zabil, ali ve v pravi gol.
Meli smo još v šesti minoti nadoknade šansu prek Kovačića, ali Strakosha je obranil. Zabili smo dva gole v dve minote, ali nesmo uspeli zdržati i budimo realni ovo je realan rezultat.
Već drugu tekmu zaredom, prvo poluvreme nas nema nigde, a denes smo ovu utakmicu ako nikak drugač morali zvleći na iskustvo, no nesmo uspeli.
Nikaj neje gotovo, prvi bod je tu, a ve treba pobediti naše stare mušterije Talijane. Z štiri bode sigorno idemo dalje.
