Jega i hujši od Plenkoviča
Da mi je to nešči rekel ne bi mo veruval, ali ve je itak istina došla na svetlo dneva pak se je zazvedilo da prinas vu Lepoj Našoj ga je več oni šteri nemajo radi znova zebranoga precednika Amerike Donalda Trampa. Morem vam reči da si oni šteri so prinas v Lepoj Našoj protiv Plenkoviča i jegove družine na vlasti nebrejo spati jerbo je Tramp pobedil Kamalo Haris i zavzel je mesto vu fotelji precednika Amerike. I ne sam oni nek i nešterni šteri so na Plenkovičovoj strani i šteri se križajo z desnom rokom ruon tak nebrejo podnesti novoga precednika Amerike. Znate kaj, nikak mi nejde vu glavo kaj itak mi imamo z američkim precednikom, očem reči z Trampom? Pak mi se bole sekeramo nek se bodemo sekerali drugi mesec pred Božič da bodemo zbirali našega precednika? Kaj nam to treba? Pak valjda Tramp nekaj vredi makar makar nema formo k precedniko ak je jemo dalo glase prek sedemdeset milijonov Amerikancov. Ak si mi nebremo nikak pregruntati zakaj so mo dali glase najbrž oni znajo? Nebrem veruvati da on ruon nikaj ne vredi kak o jemo pišejo naši levi cajtungi (druge niti nemamo) i da je takša nevola i vuteska kak o jemo pripovedajo naši levi novinari, a još je zaposlil prek šest milijonov ljudi (Lepa naša i pol) pak unda tre veruvati čoveko da bode znal voditi Amere bole od Bajdena šteri je niti ne znal da je precednik. Ako je Tramp, kak se to prinas v Međimorjo veli, odnod otkod mo je žena unda je on naš sosed z Dežele. Najbrž čovek čuda več vredi nek si naši levičari gruntajo jerbo da je ne tak več bi ga Melanija zdavja stajla. Pak bar mi Međimorci, kak prvi sosedi, znuomo kakše so Slovenke…
Ak se Melanija i Tramp rezidejo, pol Amerike bodo dobili Janezi!
“Ovo leto sam svojega glasa dala Republikancima, Demokrati so mi ostajli gorak okus u ustima!” – pošepetnula mi je Monika Lewinski.
Amerima je čuda leži zebrati precednika v drugim državama nego svojega…
Kaj se dotikavle izborov v Ameriki morem reči da se mi pre Bajdeno nikaj ne dopadalo, a pre Trampo mi se dopada Melanija!
Zakaj ga Hrvatov se meje i meje?
Več hajdi dugo si gruntam što sam i kaj sam itak ja? Najme kaj, nesam siguren je li sam Međimorec z Lepe Naše ili pak sam Hrvat z Međimorja? Tak si najbrž gruntajo i drugi, sosedi nas Međimorcov, pak unda imamo v Lepoj Našoj se vejč Slavonci, Podravci, Prigorci, Zagorci, Ličani, Gorani, Istrani, Dalmoši, Dubrovčani, Boduli tak da unda vum zide da ga seposod v Lepoj Našoj več ljudi, a se meje i meje Hrvatov. Ne znati što je itak to prvi počel kaj si je svojega hatara del napred pred svojo državo, očem reči, svojo domovino. Veli teca Franca da so to naprajli oni šteri još dendenes ne živijo v Lepoj Našoj nek se plačejo za Jugom i još navek čakajo kaj se vrne Juga i voljena Ljubičica bela. Nekaj si gruntam da bi več bila skradja vura kaj se si skupa dospomenemo i kaj bodo od ve nadale v Lepoj Našoj živeli sam Hrvati, a morejo biti otkod god očejo, očem reči, z bilo šteroga kraja Lepe Naše. Nek se zna da sam ja Hrvat z Međimorja, sosedi Hrvati iz Zagorja, Like, Istre, Dalmacije… i kaj ne bodem dale nabrajal. Nek se zna da v Lepoj Našoj živijo Hrvati, a to kaj svaki ima svojega hatara to nas mora jačati i spajati. Slažemo se? Slažemo!
Tak vam je bilo i pre našaj sosedaj dok so brojili kuliko ga itak je Hrvatov v Črnoj Gori? Ovi kaj so zapišuvali so nabrojili cirka okoli šest jezer, kaj bi rekel jeden posto, a ruon tak so nabrojili još šest jezer Bokeljanov jerbo so se Hrvati z Boke Kotorske (Tivat, Kotor, Herceg Novi, Perast) tak zapisali. Kak zgledi i ovi šteri so pisali so šteli kaj ga bode čim meje Hrvatov. Kak zgledi em se sami zamečemo pak nas unda i si drugi, ruon tak, zamečejo!
Neje lefko bilo za Martinje dimo z krstitki dojti: – Štovatelji Svetoga Mihaela so vu zasjedama čakali štovatelje Svetoga Martina!
Ameri so nas ne posluhnuli, a ve smo mi na redo: Zoki ili Dragan?
Kak smo več rekli, Ameri so, kaj se nas v Lepoj Našoj dotikavle, zahuzali jerbo so po svojo volji zebrali precednika i neso posluhnuli nas i dali šanso precednici kaj bi Ameri vidli kak je to da morajo, i to ne sam doma, posluhnuti ženo. Mi v Lepoj Našoj smo to preživeli dok je na Pantovčako drmala Kolinda Grabar Kitarovič i kaj god bode što rekel ipak nam je ona bila nejlepša precednica od sih precednikov. Precednika Tuđmana ne rečunamo jerbo je on bil prvi i ratni, a ostali precedniki se morejo srditi i duriti kuliko god očejo, ali Kolinda je bila baš po meri nas moških, očem reči, moškoga biračkoga tela. Istina Božek, za nove izbore, za novo šako z Pantovčaka prijavilo se do ve sam jedanajat kandidatlinov, a kak se još niti ne zna den da se bode hodalo glase davat te broj se more povečati i najbrž se bode povečal ak mene pitate. Rekla je i teca Franca da ona zna još nejmeje dva (nečem vum dati) šteri ne bodo zdržali, a kaj se nej prijavili. Ali smo, teca i ja, jako najgerek je li bodo te šteri bi šteli biti precedniki mogli nazobačiti med biračkim telom nejmeje deset jezer potpisov. Neje čuda, ali jiv treba nazobačiti. Morem vam reči da smo mi Međimorci na jako velikoj ceni kaj se Zokija Milanoviča dotikavle jerbo je več bil v skorom saki seli prinas na ovomo našemo “Falačko zemle med dvemi vodami” jerbo mo je najbrž ne nišči rekel da ga nas Međimorcov nekaj vejč od osemdeset jezer ak si dojdemo glase davat, a to se je do ve ne nigdar pripetilo (ak ne računamo negda v Jugi da nas je došlo 105 procentov), a i ne bodo ruon si svoje glase Zokijo dali. Ne znati kaj bi mogel reči Ivani Kekin, štera je počela z rasprodajom tenkov štere smo još ne kupili kaj bode z teh penez delala zabavišta za deco ili pak stane za mlade. Čim je to Vučič čul on navija za Ivano i ak ona dojde na Pantovčak mam bode kupil još tridesti novih tenkov, a nam v Lepoj Našoj bodo ostale lovačke puške i pračke kak i 1991.leta. Teca Franca je stoprocentno sigurna da bodo Zoki i Dragan došli v drugi krug.
Mi v pajdašiji imamo prijatela šteri več 20 let leče okoli Barike i oče jo osvojiti… nazvali smo ga “Hajduk”.