4.7 C
Čakovec
Subota, 4 veljače, 2023

Zagrebečki  gradonačelnik  navija  za  plave                

     Nejbolši so oni šteri se znajo, se morejo i nikaj ne delajo, a takši ve hercujejo v belom Zagreb grado. Družba Perre Kvržice, očem reči, družba Moremo i jena pajdašija drmajo s zagrebečkim purgerima. Neje bilo tak zdavnja pak se još zmislimo kak je Tomek Tomaševičov šinfal i na galge razapinjal ve več pokojnoga negdašjega grackoga načelnika Milana Bandiča. Posle toga je Bandič naglo odišel k Božeko na račun, a zagrebečko biračko telo je Tomeka zebralo kaj popravi se ono v belom Zagreb grado kaj je Milanček zahuzal. Malo je vode pretklo spod pod saskim mostom i mam se je vidlo da Tomek ne bode nikaj napravil od onoga kaj je pripovedal ili još huje, obečuval. Neje to tak lefko dok se sedi v oporbi i gledi kak drugi delajo. No, to je još ne se, Tomek je „hičeni“ vu zagrebečko gradonačelničko foteljo bez minote radnoga staža v realnomo sektoro, kak se to školano veli, tak da se je poškliznol več na prvoj štengi, a to je skupljanje, sorteranje i odvoz purgerskoga smetja. Tomek si je navek gruntal da je to jako lefko, a ve vidimo smetje na kupima po celomo Zagrebo, a nikoga odnikod što bi to otpelal tam de so to prebere, skuri i vred pospravi. Ne znati je li si je Tomek sam to pregruntal, ali ve najempot se menja po belom Zagreb grado. Najme kaj, otkak so Dinamovci počeli igrati Ligo prvakov Tomek je počel hodati na utakmice na staro igrališče prek pota Maksimirske šume i najempot mo se plava boja tak dopala da bode ve Zagrepčancima dal za smetje plave kontejnere, plave kante i plave vrečice, očem reči, se plavo i smetje se bode samo od sebe nabralo, presorteralo i otpelalo. Da bi boja bila nejglavneša i da bi se rešavala unda bi i Hajdukovci igrali v plavim dresima sam kaj bi bili prvaki Lepe naše. Ali kaj vam bodem rekel, neje to se, Tomek je dal prefarbati i se tramvaje na plavo tak da je v Zagrebo se plavo, a posebno bode unda dok Dinamo igra v plavim dresima i dok bodo si kibici, očem reči, BBB oblečeni vu plave obleke. Ve bode najempot beli Zagreb grad postal plavi nek se zna i nek se vidi da je sim purgerima Dinamo i plava boja vu srco. Tomek je školani pak niti mi ne znamo da tua plava boja more rešiti i to nakupčano smetje. Brzčas se je i Pripuz počel čohati za vuhima?

Dok sam to prečital legel sam si spat kaj k sebi dojdem, a dok sam se vjutro zbudil zgledal sam kak  da mi je istekel rok trajanja!

Filipinci  so  dobili  uvoznoga  zeta                     

     Negdašji naš međimorski profesor, političar i sabornik, Branimir Bunjac, ostavil je Lepo našo i odišel želocom za kruhom v Irsko mesto v Brisel kam se je ravnal, ali je ne mogel preskočiti Živoga zida i Iveka Vilibora Sinčiča. To je bilo zadje kaj smo o jemo čuli, a ve najempot smo zazvedili i to prek Interneta kak se je oženil na Filipinaj. Toplo se nadjam da oni Filipinci šteri kruheka služijo v našaj međimorskaj fabrikaj ne bodo poslali glasa dimo kakše cvetje so dobili za zeta. Mortik se ne bode zazvedilo kak je ne se zajme vrnul prinas v Lepoj našoj, a najbrž si je več zel zajma kaj gostuvanje plati predi nek se zazvedi kakše so mo financiske mogučnosti, očem reči, kak mo je „globoki“ i strgani žep.

Nesam ruon siguren je li so ovi na Fejsbuko čuli za Branimira, ali sam prečital:

  • V raj ne bodem stoprocentno išel, ali ak se bodem i dale tak potepal po sveto i na sakomo kontinento se znova ženil i za pekel bodo mi trebale debele veze!

Gospon  z  našom  kravatom

     Verjem da si znamo kak smo mi Hrvati zmislil kravato bez štere denes niti jeden moški nebre niti zamisliti bilo kakši malo bole svetešji zestanek. V kravati mi moški hodamo i na rendes z plavušama sam kaj bodemo fajneši i kaj jim se dopadnemo. Malo meje nam je poznato da se sako leto osemnajstoga oktobra obslužavlemo Den kravati. Kuliko znomo, tak je i navek bilo, da kravate furt nosijo gospoda, a ne klošari. Zakaj vam to pripovedam makar to i znate, ali vam očem reči kak je naš fahman za strujo, Nikola Tesla, saki den nosil kravato , a to je još jeden dokaz kak se je narodil prinas v Lepoj našoj. Kak bi i da došel do kravate i kak bi bil gospon da se je ne prinas narodil – to te ja pitam?

Kaj  je  ve  vredo,  se  ili  nikaj ???

     Vejč od leto dni je trelo brojačima popisa pučanstva kaj napravijo svojega posla i kaj zazvedimo kuliko nas ga je i kakši smo to mi vu toj Lepoj našoj. Dok so nam brojači pokazali brojke do šterih so došli nišči je ne bil zadovolen tak da ve, na se zadje niti pravzaprav ne znamo kuliko nas je je pod ovim soncem štero nas greje. Z jene strane falijo katoliki, a na drugoj strani ga preveč krščanov, a ateisti i agnostiki so se do ve ne nikaj bunili jerbo mortik so paperi još do jiv ne došli ili pak oni ne verjejo da so došli. Očem reči da ve niti ne znamo točno kaj je istina, kaj je točno, a kaj so brojači zahuzali? Ve je došlo na svetlo dneva da naši Romi v našoj Revici morajo ili pak morejo meti table na dva jezike: jeden bode naš, a drugi pak jiv. Čim je to došlo na svetlo dneva ve se najempot ne zna šteri je to jezik z šterim govorijo Romi jerbo ga vejč jivi jezikov. No, to je još ne se, nejpredi bi trelo videti je li so brojači tu dobro prebrojili i zakaj bi ruon tu dobro prebrojili ak so seposot drugdi sfušali? To se ve ja pitam, ali me još nekaj gvinta: deca Romi hodajo v naše škole i govorijo hrvatski i kaj jim treba ploče na romskom jeziko ako i našega razmijo. Kak veli teca Franca: neje važno kakšega jezika govorimo važno je da se razmimo. Najbrž bodejo naši saborniki zglasali nekše poverenstvo štere bode prekontroleralo brojače i unda bodemo mi stoprocentno znali je li Romi nucajo te svoje ploče ili bodo se i dale z nami spominali po naši jerbo se jedino tak morejo socijalizerati. Kak sam to spametno rekel, kaj velite?

Nazval me je Mladen Grdovič i priznal: – Od sih testovi jedino sam alkotesta od prve položil. Za jeno vuro me je nazval i Alen Vitasovič i rekel: – I ja isto! Najbrž so bili skupa na šanko?

 

Ostavi komentar

Povezani članci

Ostanimo povezani

0FanoviLajkaj
3,692SljedbeniciSlijedi
14,700PretplatniciPretplatiti

NAJNOVIJE