Več je i Fašnik hitil puške v kuruzo!?

Tko god je glasao, za mene, ne voli Lepo našo

Ne verjem da so saborniki mene posluhnuli, ali so sejeno svoje glase dali Iveko Turudičo i ve je on glavni državni fiškal. Čim se je to pripetilo mam je precednik Zoki z Pantovčaka povedal kaj si on grunta o Iveko kak glavnomo državnomo fiškalo. Rekel je: – Što god je dal glasa Iveko Turudičo, za mene, nema rad ovo našo državo, neprijatel je Lepe naše!

Nemam vam kaj na to reči! A, vi? Nikaj ne čujem, kaj znači da niti vi nemate kaj reči? Ali bar znuomo kaj si Zoki grunta o Iveko. A, najbrž bodemo zazvedili kaj si Ivek grunta o Zokijo čim mo državna fiškalija predela.

A što pravzaprav ima rad ovo Lepo našo?

  • A, je li Lepo našo imajo radi saborniki (48) šteri so 25. junjuša 1991. leta odišli vum z sabornice dok je trelo dati glase za rastavo od Juge?
  • A, je li Lepo našo imajo radi oni šteri so, za vreme Domovinskoga rata, mesto na front odišli vum v Osterajh, Dojčland, Švicarsko ili pak Švecko?
  • A, je li Lepo našo imajo radi oni šteri još dendenes hodaju v Kumrovec i mašejo z Yu zastavaj i zvezdaj petokrakaj?
  • A, je li Lepo našo imajo radi oni šteri još navek širijo laži o Jasenovco, Blajburgo, Jazovkama i Hudim jamama?
  • A, je li Lepo našo imajo radioni šteri so zagovarjali udbaše Mustača i Perkoviča kak i oni šteri so skupljali potpise kaj se Mustač i Perkovič čim predi vrnejo z nemačkoga rešta?
  • A, je li Lepo našo imajo radi oni šteri so prodali INO MOLO?
  • A, je li Lepo našo imajo radi oni šteri so zmenšali penzije hrvackim branitelima i ratnim invalidima?
  • A, je li Lepo našo imajo radi i oni šteri ne vupajo iti po Vukovaro v koloni sječanja nego hičejo vence v Dunav za poginule četnike?
  • A, je li Lepo našo ima rad on šteri je ratne generale poslal v penzijo i nosil topničke dnevnike v Hag?
  • A, je li Lepo našo imajo radi oni šteri so na soliter v Reki postajli veliko črleno zvezdo petokrako?
  • A, je li Lepo našo ima rad on šteri popravlja staroga Titijovoga broda Galeba i to z penezi naši porezni obvezniki?
  • A, je li Lepo našo imajo radi oni šteri nedajo svojega glasa za Zakon o našemo hrvackomo jeziko ili pak oni šteri so ne došli v sabornico kaj se nej vidlo i znalo da so protiv Zakona?
  • A, je li Lepo našo ima rad on šteri se gavaleri i šepuri po Brijunima, a za vreme rata je pobegel k bratji prek Drine?

Naš hrvatski jezik je došel na svoje

Nekaj meje od dvjesto let je minulo od dneva da je Ivan Kukuljevič Sakcinski održal prvoga govora vu Hrvackomo saboro (1843.) na hrvackoko jeziko i tak je naš hrvatski jezik dobil pravo glasa. Skorom dvjesto let je trelo kajbi naš hrvatski jezik z šterim govorimo, z šterim se spominamo, na šteromo se svadimo dobil svojega Zakona kaj bi se znalo da se treba kak govoriti, kak pisati i kaj bi celi svet znal da mi Hrvati imamo svojega jezika. Pred dve leti je Matica hrvacka pokrenula akcijo kaj pomore Saboro i sabornikima kaj zglasajo toga Zakona. Dosti je cajta minulo dok je Zakona došel sabornikima na saborske klupe. Saborniki so ga prijeli na znanje i došel je den da so mo morali i svojega glasa dati. I kaj se unda pripetilo, cirka tridesti sabornikov je ne došlo na sesijo kaj se nej vidlo kak jim je naš hrvatski jezik z šterim govorijo ne ruon po volji, a od onih šteri so došli 95 sabornikov je z veseljom zdiglo roke za Zakon, 10 jiv je ne znalo kam bi z rokami pak so bili suzdržani, a 17 jiv je bilo protiv. Med temi kaj so bili protiv so bile i naše međimorske zastupnice Boška Ban Vlahek i Andreja Marič i ne znati zakaj so bile protiv? Kaj bi to trelo značiti da smo mi Međimorci protiv hrvackoga jezika? Istina Božek, mi Međimorci govorimo međimorski, očem reči, kajkavski, ali smo si mi navek bili zdobra z Hrvatima i navek smo mi jiv razmeli, a i oni nas tak da mi nikak nejde v glavo zakaj so naše sabornice bile protiv Zajona o našemo hrvackomo jeziko? Ili pak kaj politika ima delati v našemo hrvackomo jeziko? Nekak je normalno da mi v Lepoj našoj govorimo hrvacki i da naš hrvatski jezik ima svojega Zakona. Tak dugo smo ga čakali i ve smo protiv? Kak i Lepo našo, štero smo čakali od stoletja sedmog i unda da so naši saborniki 1991. leta trebali dati svojega glasa kaj jo zafremamo, kaj posle jezerotristo let vudrimo fonfoša Lepoj našoj unda so saborniki SDP-a, jiv 48, odišli vum predi kak je trelo zdiči roke. Pak što bi unda razmil nas Hrvate?

Pak negda je Fašniko bilo čistam se dopuščeno?

Odnegda je šega bila kaj so v nedeljo fašinsko hodali maškori po selima i gradima i kaj so se z sega norca delali kaj je ne vredilo. Morem vam reči da je več hajdi dugo šega kaj se nejveč maškorov zide v Čakovco jerbo tam imajo nejveč placa. Tak se i ovo leto zišlo hajdi maškorov, ali nišči je nikaj ne šinfal političare ili pak se žjiv norca delal, Ne znati kakši smo to mi ljudi postali kaj ne vupamo reči ono kaj nas tešči, a za to se je fašnik kriv i na krajo maškarade fašnika i zato skurimo kaj je prekpreveč pripovedal. A v nedelo nikaj? Nešči bi mislil kak je prinas se vredo? Ne bodete veruvali nišči je ne spomenul niti Iveka Turudiča, niti Zokija, a niti pak Drašeka, kak da je sima se praf?

No, neje to se, mam po nedeli, na fašinski pondelek so odnegda žene po kvasa hodale, a ve sam nigdi niti jeno ne našel? V krčmaj so bili sami moški. Mortik sam ja ne vpučeni, pak ve doma moški kuhajo, moški krofline pečejo i to bolše kak žene, kak je v cajtungima pisalo, pak si unda sami hodajo i po kvasa. Celo leto smo mi moški čakali kaj se bodemo z ženami parili jerbo dok so malo tučne unda jim noge same širom lezijo, a ve pak so ne došle tak da nam je ne nikaj drugo ostalo nek kaj se sami napijemo i takši tučni dimo dojdemo. Najgerek sam, jako sam najgerek je li se je unda kaj zdiglo doma od toga kvasa šteroga smo mi moški donesli?

Ostavi komentar

Povezani članci

Ostanimo povezani

49,208FanoviLajkaj
608SljedbeniciSlijedi
0PretplatniciPretplatiti

NAJNOVIJE