Čaka se kaj bode rekla hrvatska Vlada
Slovenska Komisija donesla je početkom juljuša odluko da se hrvacke žrtve sfondane pred osemdeset let v Tezno pre Mariboro, v Deželi, morejo iskopati i dostojno, kak dragi Božek zapoveda, pokopati. Reč je o nejvekšemo stratišto Hrvata, de je pobijeno i zakopano cirka 30 jezer žrtvi, a ova odluka slovenske Komisije je korak napred u rješavanju pitanja hrvackih žrtava u Sloveniji gdje postoji oko 300 lokacija na kojima su zakopane hrvacke žrtve.
Maribor je najvekše stratište hrvackog naroda u povijesti. Nigdje na jednome mestu ga ne tak čuda pobijenih kak je to v Tezno, a tu se pripoveda o brojki od tridesti jezer. Tak piše i v knigi Romana Ljeljaka Maribor – največe stratište Hrvata. Naime, partizanska Treča armija komandanta Koste Nađa 1945. leta na tom je hataro pobila cirka tridesti jezer Hrvatov jer je to stratište, koje je negda bilo protutenkovski rov za obranu Maribora, dukše od tri kilometre, široko okoli tri metre i nekaj globleše, i zato se tre zmisliti kak je za vreme gradnje autobana na sega 70 metrov dužine iskopano 1179 posmrtnih ostatkov štere so sosedi Janezi zakopali na svojemo mariborskomo grobljo v Dobravi. 2008. leta je napravljeno sonderanje celoga jarka i zazvedilo se da je jarek korišten kak stratište na dužini od 981 meter tak da bi se v celomo jarko moglo najti cirka okoli 15 jezer žrtvi. Lepa Naša je več par pot iskala od sosedov Janezov kaj nam dopustijo kaj si svoje žrtve z Drugoga rata iskopamo, otpelamo i dostojno zakopamo jerbo saki čovek ima pravo na dostojan grob. Ve je slovenska Komisija odobrila kaj dostojne grobe dobijo žrtve v Tezno okoli Maribora i ak se bode Hrvacka vlada držala kcoj kak se od je očekuvle unda se moremo nadjati da bodo sosedi Janezi dopustili kaj si otpelamo se žrtve štere so nastradale v Deželi pred osemdeset let.
Se so žrtve jednake, se so zaslužile spomenika
Več sam vam pisal o tomo kak je spomenik v čakoskomo parko poginulima v Prvomo rato zapuščeni i zaraščeni kak da smo pozabili za jega, a ruon tak i za one šteri so pali, dali svoje živote vu Prvomo rato. Ruon tak sam pisal o tomo kak je obnovleni spomenik partizanima šteri so stradali od fašističke ili pan nacističe roke v Drugomo rato postavleni v centro Čakovca tak da je on ve zlatni. Minuli tjeden je obilježeni Den stradalih od totalitarnih i autoritarnih režima (fašizam, nacizam, komunizam) prinas v Međimorjo. Tu se brojka vrti okoli jezero ljudi. Te si so nastradali od komunizma, šteri je potukel nejveč ljudi kak prinas v Lepoj našoj tak i drugdi, a te žrtve imajo nekša (čistaj: bole kak nikša) znamenja po šterima kak da bi šteli kaj se za jiv niti nej znalo kaj so bili potučeni. Prinas v Međimorjo so grobnice (čitaj: zmaneja) v Ksajpi polek Šenkovca, na Sepu v Gornjemo Hraščano, v Kotoribi, Štrigovi… Poginuli v Prvomo rato imajo zapuščenoga spomenika, poginuli v Drugomo rato imajo največ ploči i spomenikov, a čakoski spomenik je zlatni, a za stradale od komunizma kak da se još dendenes nesme niti pitati, a ne kaj bi jim se napravili spomeniki i kaj bi se točno znalo što je se nastradal od komunističke roke i de mo počivlejo kosti.
Kaj nas je navčila povjest – navučitelica živlenja?
Od da znuomo za sebe nas vučijo kak je povjest navučitelica živlenja i kak se moramo vučiti na onomo kaj smo prešli, kaj je za nami. I nigdar nesmemo pozabiti kak je to negda bilo jerbo ak pozabimo mogli bi bokterati, očem reči, ponavljati ono kaj smo več jempot prešli. Zato nikak nebrem razmeti zakaj naši profesori povjesti na filozofskim fakultetima šinfajo Markija Perkoviča Thomsona i Nenija Ninčeviča zbog radi pesme Ako ne znaš šta je bilo, štera govori o tomo kak smo se mi, naši braniteli, borili za Lepo Našo i kak so jo izborili i kak nigdar to nesmemo pozabiti i kak o tomo moramo vučiti naše naraštaje šteri dohajajo, našo deco i vnuke jerbo ak to ne bodemo delali bi se moglo pripetiti kaj bi morali ponavljati gradivo. A, ne verjem da bi nam bilo jako lepo ak bi znova morali ratuvati i znova se boriti za neovisno Lepo našo štero ve, fala našim branitelima, med šterima je bil i Thomson, ve imamo. Još meje morem razmeti naše povjesničare Goldštajna, Klasiča, Jakovino, Markovino…, šteri mesto kaj bi od nas iskali kaj bi se vučili od povjesti oni šinfajo i mejajo našo povjest. Najbrž so oni ne povjesničari neg istoričari kak to veli teca Franca!
Sotona nigdar ne spi….
Velijo što čaka te se i fčaka! Ak predi ne hmerje. Tak to zgledi i na čakoskomo Jugo de raskrižje pre cirkvi osvetljuvlejo ivanjski kukci. To raskrižje je čistam vredo po dnevo, ali po noči je v kmici i pravo je čudo kaj se je još nikaj preveč hudoga tu ne pripetilo. A si znuomo kak sotona (čitaj: vrag) nigdar ne spi. Makar je to raskrižje polek cirkve nebre se niti dragi Božek restrgati i garanterati da se tu ne bode nikaj hudoga pripetilo. Najme kaj, cesta je glavna i ne sam glavna nek i nejglavneša na čakoskomo Jugo tak da je promet ne mali, cirkva je mam polek raskrižja, prek cirkve je dečje igralište i to furt v prometo, a prek igrališta je pučka škola z šporckom dvoranom. Se kaj čovek ili pak familija nuca, štacune, banke i krčme kaj nem spominjal, je tu na kupu i to polek raskrižja štero je v kmici. Ne verjem da je teško deti dva vekše ili pak štiri menše lampaše i se bode v najbolšemo redo, i vuk bode sit i birke bodo navek na brojo. Za ve još sotona spi, ali nišči ne zna kak bode to dugo trajalo? Par lampaši je ne bogzna kakši penez, a gracki oci se falijo kak so se Kovačove duge vrnuli i kak imajo viška v gracki kasi. A kaj se unda čaka?
Mesto z klopocom došli smo z putarima
Ne znati je li je to do ve tak bilo ili ne, ali ovo leto se je pripetilo nekaj čega se niti teca Franca ne zmisli. Na Rokovo, mam po Veliki meši smo navek išli v gorice klopoce postavljat kaj nam ne bi škvorci grozdje pojeli jerbo je Rokovo cirka mesec dni pred berbo. Ovo leto je se bilo drugač, mesto kaj bi klopoce postavljali smo več brali nejraneše i nejslatkeše sorte. Dnevi so vroči, sonce je fest peklo i grozdje se je dozrelilo. Treba čim predi pobrati ono kaj so ostajli mraz, suša i toča jerbo dok je mošt v lagvima unda smo si zadovoljni. Velijo naši vinari da bode vino jako dobro, kak to veli teca Franca enc A i ak je tak unda se nema kaj čakati.
Znate da je denes ne lefko našim vinarima jerbo osim suše i toče tu so još sake fele čvrčki šteri so se dorivali vu naše gorice makar jiv je nišči ne zval i ne znati što jiv je posejal. Berba je čuda raneša tak da i vino bode čuda raneše, nejgerek sam je li bode dosti vina jerbo i mi bodemo raneše počeli piti. Kuliko sam mel čuti od dečki z Hortus Croatie več so poslali depešo svetomo Martino kaj ovo leto dojde na krstitke bar tri tjedne raneše. Kuliko znuomo sveti Martin je poštejak i na jega moremo računati!
