Morem vam reči da mi se javilo dosti pajdaši da sam ja vu velikomo zaostatko kaj se dotikavle odnosa i odnošaja moških i ženi. I ne sam to nek sam odišel preveč nazaj kaj se venodjanja dotikavle jerbo se ono kaj se je negda pripetilo na trebljači, na čehari, v kuruzi, v šumaj, na parmi ili pak tu negdi da je to od negda i da denes več nišči ne hoda na tua mesta. Dok sam si malo pregruntal imajo pajdaši praf jerbo otkak so žene zele stvari vu svoje roke unda se to nekak fletneše ide i žene ne dopuščajo moškima kaj bi zbegavali ono kaj so se dospomenuli i kaj so obečali.
I još nekaj, verjem da vidite kak se čuda meje fačukov (a to so deca mimo ženidbe i drugih zakonitih i mimo nezakonitih veza) rodi dok se žene za to brigajo. Žene znajo da dok se parijo z moškim i dok moški svojega venoga ftekne vu jeno veno more se pripetiti da se bode za devet meseci čul i dečji plač. Dok so moški o tomo vodili brigo unda je jim bilo nejglavneše kaj ga fteknejo, a nek se žene brigajo kaj bode posle, a unda se je posle nekaj pripetilo ili pak se neje. Kakši so več dnevi bili.
Rekel sam več da je se drugač otkak so žene zele stvari vu svoje roke i od unda se zna, kak prijatel Miškec veli, moška reč ke zakon, a ženske reči so izmene i dopune zakona.
Hajdi toga se je pripetilo na se strane, a i den denes se saki den kaj kaj toga pripeti sam se za hajdi toga nigdar ne zazvedi. Bodem vam spripovedal par štiklecov tak da bodete razmeli kajkaj toga sega ga je med ženami i moškima, očem reči, med jivim nogami. Kak znuomo v leti si i vejčpot zglajzamo z pravoga pota jerbo se se stvari, pak tak i one moške i ženske na sonco širijo i čuda leži je zglajzati z pravoga pota i završiti v kvaro nek v zimi. A pogotovo na morjo da na sebi imamo sam jeno ili dve krpice i to takše štere vejč otkrivlejo nek skrivlejo.
Je li znate kak se zovejo deca štera se narodijo devet meseci posle urlaba na morjo? To so vam plodovi morja! Ako je dete slično jenomo od roditelov unda je to genetika, ako pak je slično sosedim ili pak pajdašima šteri so bili z vami na urlabo unda je to utjecaj okoline!
Kaj se vam je pripetilo v jenoj familiji štera je bila na glaso po poštejo. Rodila je žena četrto dete štero je bilo čistam drugačeše od prvih tri i to ne sam po tomo kaj je štrto bila pucka, a prvi tri so bili dečeci nek je dete bilo čistam drugačeše. Nejpredi se je pobunil mož: – Žena, kaj je to, pak mala Anika je ne opče slična ovima štere imamo od predi? Je ne mortik Aniki nešči drugi japa? Žena mo je mam otpovedala: – Imaš praf, jeje! Pak što? – mam je skočil mož kak da ga je nešči z kropom polejal! – Pak ti, dela je žena točko na i.
Moram vam spripovedati kak je zišel pajdaš Tonča dok je došel k doktoro na pregled za ono svojo meštrijo z šterom se je jako falil. Dok ga je gospon doktor spregledal od glave do pete došlo je do toga da Tonča opče nebre naprajti deco. Dok je Tonča došel k sebi, črez črez frtalj vure, zapital je doktora: – Gospon doktor, dejte mi rečite je li sam ja pravzaprav neplodan? – Nažalost, jeste! – Ajoj, ajoj, kak bom ve svoji ženi rekel da so deca ne moja?
Moja žena je mene nigdar ne prevarila, ali se saki den prepravla za to!
Došel je mož z posla i dok je obedoval usput se spominal s ženom: – Pripoveda se po seli kak je hmrl nekši čovek šteri je mel velikoga venoga, cirka 25 centimeternoga!? Žena se je mam oglasila: – Jooooj, pak to je najbrž Drašek, naš tretji vrtni sosed.
Jenoga mi je poslal pajdaš Miki, on je direktor v Zagrebo:
- V čemo je razlika izmeđo direktora i moža?
- Direktor navek zna što mo je zamjenik!
Čuda vejč toga se dela nek negda, falijo se moški, a žene pak se žalijo da jim još čuda toga lepoga fali. Što zna de je tu prava istina? Ak bi bila prava istina se kaj moški pripovedajo unda bi žene bile čuda zadovolneše, a na videc se vidi da so ne. Bar ne se. Ali i ve je ruon tak kak je negda bilo, jeni delajo čuda kak i navek, a drugi premalo, ali se zato ovi drugi čuda vejč falijo. Istina Božek, nejso niti se žene, a niti si moški napravleni od istoga materijala jerbo jeni morejo zdržati dok jiv srbi ili pak štrči, a druge ili pak drugi nebrejo. Kuliko vidimo niti med tem cvetjom ga ne pravice.
SDP-e meja precednike kak Hajduk trenere i unda se bodejo jenoga dneva čudili kaj bodo sfalili i političari i treneri. Hajduk ima srečo kaj more trenere iskati po celoj Evropi. Do ve so došli do Švecke, još jim je sam Grenland ostal do kraja kugle zemaljske. Dok smo se mi delali norca z Hajdukovci oni so stiha delali, očem reči, trenerali i prepravlali se za novo prvenstvo i dok se je ne nišči nadjal Hajdukovci so splazili na vrh Prve labodoritaške lige Lejpe naše. A da je to zadji pot bilo ne zmisli se niti Joža Manolič. Znate i sami kuliko ga štiklecov bilo na račun Jože i Hajduka i kak bi on štel kaj bi videl još jempot Hajduka na prvi mesti predi nek odide na drugi svet k Božeko na račun. Predi nek se je nadjal mo se želja spunila tak kaj se toga dotikavle Joža se more pomalem pakerati. Ak je sam Hajduka čakal.
No, neje to se! Kuliko se pripoveda bode se naša Prva labodoritaška liga prekinula zbog štrtoga vala korona virusa šteri je prekprokleto jaki tak da bode, na se zadje, i Hajduk prvak Lepe naše. Niti kriv niti duže. Ipak bo nekomo korona donesla i nekšega hasna, kuliko vidimo!
