10.6 C
Čakovec
Ponedjeljak, 4 ožujka, 2024

Nigdar ne znaš kaj te čaka tam kam ideš!?

Ajduk bode pokopuval se labodoritaše šteri se nudijo

Čim labodoritaši imajo svojega prelaznoga roka navek je nekša halabuka i navek se nekaj pripeti kaj se nišči ne nadja. Ovo zimo je, kaj se prelaznoga roka dotikavle, bilo hajdi vroče i to sam zato kaj so Dalmoši (čitaj: beli ftiči) obečali sebi i publiki, očem reči, Torcidi kak bodo prvaki Lepe naše v labodoritanjo i to posle devetnaest let. A čim so to rekli mam so se prijeli posla. Nejpredi so zmenili nejbolšega trenera šteroga so mogli najti i dopelati Iveka Lekija jerbo so mo ne bile se bele birke na brojo pak je osvojil čuda meje bodov nek so planeral, kaj bi rekel preveč toga je potepel, pak so dopelali novoga – staroga trenera Mislava Karogana. Jemo je se čuda bole išlo od roke tak da so Ajdukovci prvi presekli prvenstveno vrpco na krajo jeseni. Zima je, očem reči, zimski veliki odmor je ne preveč dugo trajal ali Uprava Ajduka je ne mela fraj nek je delala celo ferje kak zingerica. Dopelali so nekše nove igrače, z penzije so potegli stare, a glavni adut jim je bil Ivek Perišičov, šteri je igrač engleskoga Totenhema, ali je več dosti dugo na bolovanjo jerbo je bil na operaciji noge. Dopelali so ga za lepe oči, nikaj jiv je ne koštal, ali kak veli sosed Tonča, dopelali so ga zabadav jerbo ionak ne bodo niti ve prvaki. Sosed Tonča se razmi v labodoritanje jerbo je negda za Sveti Rok igral, a još dendenes igra šporcko prognozo i saki pot dok nekaj dobi zove pijačo za celo krčmo štera je na krajo naše vulice. Je li to bode tak kak sosed Tonča veli bodemo vidli posle Vuzma jerbo i labodoritaški bič poči na krajo prvenstva.

Jožek je zdigel praha

Dok je več prelazni rok bil pre krajo, oliti kak teca Franca veli, dok so se štacuni zaprli počela je trka za Jožekom Brekalom. Negdašji igrač Dinama se več hajdi let poteple po Evropi, ali moramo deti roko na srce i priznati kak čuda vejč sedi na klupi nek igra tak da ga je i izbornik Zlatko Daličov prekrižil na svojemo spisko. Ovo leto, očem reči, zimo je zel svojo labodoritaško sudbino vu svoje roke i odlučil je da bode igral pak makar v nekšoj slabešoj ligi nek je Talijanska. Kam bode suzta nek na oko, pak je tak i Jožek oko hitil v Lepo našo i ponudil svoje noge, očem reči, svoje labodoritaško znanje svojemo negdašjemo klubo z Maksimira. Ne znati kak so te spominki pravzaprav tekli, ali je na se zadje došlo do toga da je Jožek ne završil v “Maksimirski šumi” i v modromo dreso nek ga je nekši vrag odvlekel na morje, na Poljud med Dalmoše, očem reči, “bele ftiče”. Odišel je, kak nam je to lepo rekel v Splito, vu veliki klub šteri je bil zadji pot prvak Lepe naše v labodoritanjo dok je Jožek mel 7 (čitaj: sedem) let, a unda se je još v pesko igral i neje labodo nagajal. Do dneva denešjega sam ne uspel zazvediti, a ne zna niti teca Franca, kaj se je itak pripetilo i što je tu kriv, što je bil kum kaj je nagovoril Jožeka kaj modroga dresa zameni z belim. Moral je tu biti v pitanjo nekši veliki vrag jerbo ak je Jožek stavil svojo prvo ljubezen i odišel je v naručje “švalerki”? Dok se je to pripetilo mam sam se zmislil kak je još negda, dok je Ajduk bil zadji pot prvak Lepe naše (2005.) i Niko Kranjčar odišel z Dinama v Split, ali se je tam ne preveč naigral i za leto dni je odišel med Engleze. Tak i Jožek mora znati da bode v Splito furt “gastarbajter” i igral bode sam unda ak bode dvapot bolši od Livaje. A to je ne ruon tak lefko!

Kaj si itak Ajdukovci gruntajo?

Morem vam reči da nikak nebrem razmeti ove Ajdukovce zakaj tuliko igrači vlečejo na Poljud? Razmem da očejo biti prvaki posle devetnaest let, ali kuliko god oni imajo igrači more jiv igrati sam jedanaest. Ve zgledi da so oni labodoritaši šteri so na jesen igrali med “belim ftičima” nikaj ne vredili, a bili so nejbolši pred zimsko ferje, očem reči, bili so prvi. A čim se počelo znova igrati, čim se počela igrati prtuletna polovica mam so Ajdukovci zgubili utakmico od Reke i to na Poljudo i mam jiv je Reka pretekla na prvenstveni lojtrici. Najte me krivo razmeti, ali ne verjem da bode Jožek Brekalo se to postavil na svoje mesto vu klubo, a klubo na prvo mesto? Ne verjem! Saka čast Jožeko, ali jena lastavica je nigdar ne donesla prtuletje pak ne verjem da ve bode nekak drugač!

Petar Zrinski i Fran Krsto Frankopan urotnici?

Sima nam je poznato kak je Grad Čakovec – grad Zrinskih i kak je naša Međimorska županija – županija Zrinskih. Ruon tak znuomo, očem reči, morali bi znati da so Zrinski hercuvali i bili gazdi v Čakovco i Međimorjo od 1546. leta da je Nikola Šubič Zrinski Sigecki dobil Međimorje od Bečkoga dvora, pak se do 1670. leta dok so hrvatski ban Petar Zrinski i markiz Fran Krsto Frankopan odjahali za Beč na poziv habsburškoga cara i kralja Leopolda na spominek jerbo so naši velikani ne bili zadovoljni kak car gospodari z nama Hrvatima. Ne so oni bili nikši urotnici, kak so jiv to nazvali ovi v Bečo jerbo da so oni bili urotnici unda ne bi išli na psominek v Beč z par svojih stražarov v pratnji nek bi se čuda kredneše preprajli. A zakaj so išli. Išli so kaj se požalijo caro da jive borbe protiv Osmanlija čuda vejč vredijo nek on to misli i da oni i jiva vojska nekaj vredi i nekaj košta. A car Leopold je dal svojo carsko reč da se jim nikaj ne bode pripetilo i nek dojdejo bez straha. Poznato nam je kak so zišli sam zato kaj so caro veruvali na jegovo carsko reč. Kuliko vidimo i negda so političari ne govorili istino i kaj se unda čudimo kaj je i denes ne drugač. Kuliko mi Međimorci poštuvlemo naše velikane govori nam i podatak da je Zrinska garda Čakovec postavila spomenik našim mučenicima u Bečkom Novigrado na mjestu pogubljenja i za pofaliti je kaj se naši ljudi idejo pokloniti i kaj vužgejo sveče Petru i Franu koji su stradali kaj bi našim ljudima bilo bole v Habsburškom carstvu kak so to minuli tjeden naprajli Priločanci i si oni šterima priločki Prekom odvaža smetje!

Ostavi komentar

Povezani članci

Ostanimo povezani

43,705FanoviLajkaj
608SljedbeniciSlijedi
0PretplatniciPretplatiti

NAJNOVIJE