Neje bilo tak zdavnja kaj se nej zmislili kak je Tomek Tomaševičov predi zadjih izborov v belom Zagreb grado hital drvje i kameje na negdašjega purgerskoga gradonačelnika Milana Bandiča. Nikaj kaj je Bandič za dvajsti let, kuliko je hercuval z purgerima, napravil je ne bilo vredo i zato so purgeri poverovali kak Tomek i jegova družina se Morejo i da bode po Zagrebo tekel med i mleko. Neje čuda vode preteklo cpod pod savskim mostom i Tomekov Zagreb se je zrušil kak hižica od karti. Ne sam da nikaj ne štima nek je još i huje jerbo je Tomek opal na smetjo i nikak je ne posložil kaj bi se gracko smetje, a šteroga ga ne melo, vozilo saki den kak je to bilo dok je Bandič vedril i oblačil v glavnomo i nejvekšomo našemo grado. Kak smetje ne zna kaj se je gracki načelnik promenil pak je počelo smrdeti. Dojdete v beli Zagreb grad, a na se strane duha kak da zagrebečko Sljeme ima koce po celomo grado, očem reči, smrdi tak kaj si čovek nebre najti mesta. Još se nekak magadilo dok so se maske za korono nosile, ali ve posle je to ne za zdržati. Hajdi let je minulo od unda dok so naši japice, a posle i japeki čistili Zagreba, unda je Zagreb bil čisti i purgeri so se žnjim ptimali. Ali več hajdi let mi Međimorci ne delamo toga posla, a i čuda sega je zmišleno (vreče, kante, kontejneri, kamioni, bageri, deponije) prek čega se smetje pospravlja sam treba reda v grado naprajti. Ne znati kam bode to došlo črez kratek čas dok bode celi Zagreb zaklajeni i dok se bode duha poznala tijam od Jakuševca do Sljemena, a vlekla se bode i črez Jelačičov plac?
I još nekaj, pred nami je Advent, pak tak i Advent vu Zagrebo pak si nekaj gruntam da bode Tomek znova delil maske onima šteri dojdo na advent kaj jiv ne bode duha dimo stirala jerbo brez maski je ne muoči zdržati v belom Zagreb grado. A kak sam več rekel na nas Međimorce Tomek nebre računati jerbo smo se i mi zaškolali i ve delamo bolše i vredneše posle.
Verjem da ste čuli kak je Barika pripovedala kak je to bilo dok si je moža iskala i zbirala. Veli ona:- Ja sam molila Božeka nek mi da dobroga i skrbnoga moža i takšega sam dobila, a moj mož je ne nikaj molil pak je dobil kaj je dobil.
Počel je i Uskok spovedati, a pokore so mo čistam kredne
Pomalem dohaja na svetlo dneva istina o tomo što je pošiljal sms poruke negdašjemo čakoskomo grackomo načelniko Štefo Kovačo, štere so Štefa rasplakale. I to ne bilo de nek na glavnomo čakoskomo placo, pre čakoski vuri i to pred televizijom. A čim se je nekaj pripetilo pred televizijom to je ne tak mala huncvutarija. Došel je i Štefov partijski šef Peđa Grbinov kaj mo je brisal soze. Ve dok vidimo kak je gospon Damir zišel na spoivedi pre Uskoko de je priznal kak je on pošiljal te sms poruke, ali na se zadje ne znamo je li je bil volonter ili pak je nekaj i kaseral? To so nam Uskoki ne rekli. Nekaj se pripoveda da je Štef mel priliko dojti na spoved, ali jo je ne skoristil. Nekaj si gruntam, ak je to tak, a najbrž je tak, jerbo ljudi morejo zlagati, ali selo ne, pak mi je unda jako čudno kaj se je Štef ne spovedal pak bi se mortik prinas v Čakovco unda išlo na nove izbore. Ak je čovek ne nikaj kriv unda mo tre dati još jeno šanso.
Tak je i direktorov šofer pelal v šoping direktorovo ženo. Dok so došli nazaj žena je mam, mimo tajnice, dobežala k direktoro i nagovarjala ja moža nek da šofero otkaza jerbo je tak vozil kaj je napravil tri unfale i skorom jo je vmoril. Direktor je ženo globoko pogledal, nasmejal se je od vuha do vuha i otpovedal joj je: – Pak nej biti takša, dečko je još mladi i dober je pak mo moramo dati još jeno šanso.
Kuliko nas košta voda štero zabadav dobavlamo???
Kam bode suzta nek na oko tak i se nevole curijo na grbačo maloga čoveka. Ovo leto se nevole ido ne sam prek grbače nego i prek žepov nas malih. Nejpredi so počele v zrak skakati cene benzina i nafte, unda je podražila struja, pak plin, kaj nem špeceraja i šekret papera spominjal, a ve, na se zadje, i čeki za vodo so se malo zdebljali. Da je živ, Cezar bi znova pital: pak kaj i ti sine, Brute, jerbo ak se ide gori unda ne mora iti i voda. (Vidla žaba kak mečejo potkovo kojima pak je i ona zdigla nogo) Si znamo da nam vodo dragi Božek pošilja z neba zabadav, a dok teče, i to kak god pomalem, z naši pipi unda je draga kak suho zlato. Dok je cena odišla gori, dok so se čeki zdebljali kak debeli maček, smo zazvedili kaj se plačamo prek vode? Kaki velijo naši novinari voda je zabadav, kak jo i dobavljamo, a koštajo naše Međimorske vode, očem reči, jivi težaki. Još plačamo nekšega razvoja, a ne znamo kaj i koga razvijamo jerbo si naši Međimorci imajo vodovode i to v hižama i v kletima? Dok si malo bole pregruntam pak te cevi po šterima tua voda teče smo več platili nejmeje tri pot. I to je još ne se, ve je došlo na svetlo dneva da so naše Međimorske vode posluvale z gubičkom, a nišči ne zna zakaj? Staroga direktora Vladeka smo sprajli v penzijo i nafalili smo ga kak je bil dober, jako dobro smo ga plačali, a i z poštenom otpremninom smo ga otprajli da bi se ve zazvedilo kak nam je stavil velikoga manjka. Seposod isto, jeni kaserajo i delajo manjke, a mi drugi to se plačamo. Pitam vas i sebe kak dugo bodemo mi zdržali i de bodemo zeli tulikše peneze kaj se to povrnemo. Milijardo kuni smo dužni v INI za plin, strujači nam, ruon tak, ne stojijo nejbole, kaj nem zaprte rafinerije i Agrokora spominjal, a ve so tu i naši vodači… I kaj je nejtožneše ne vidim kraja?
Si znuomo da so velike krize i da moramo šparati seposod de moremo pak je tak zbog radi šparanja vgašjeno svetlo i na krajo tunela. Rečite mi, prosim vas lepo čemo se mi mali ljudi moremo nadjati. Ak nemamo za vodo kak bodemo unda došli do gemišta? Naši biškupi so nas, za Martinje, lepo podučili da je, brzčas, korona dišla i da nazaj moramo paziti na gripo i to po onoj staroj pučkoj: – Što se drži pipe ne boji se gripe! A ono z lagva je ne, ruon tak, zabadav!
Pes, šteri je ne nejbolši čovekov prijatel: – Pes je, pije, dremle na kaučo, čoše se… Žena veli da je preslatki i ima ga jako rada. Ja delam se isto i veli da sam prasec i lenčina…
