Ne znuom komo bom svojega dal, ali znuom komo ne bom!

Zebrali smo, ne znamo koga, ali Evropa nas čaka!

Minuli tjeden smo poslušali pesmice za našo Doro i zbirali pesmico za Eurovizijo. Kaj vam nek rečem, nesam nikoga poznal što je popeval i što je kanil Lepo našo predstavljati na Eurosongu vu Šveckoj. No, ak sam ja ne nikoga poznal ne znači da so oni šteri so zbirali ne znali koga bodo zebrali. I zebrali so nekšega dečeca z Umaga, a šteri se je ne nadjal kaj bode mam čim je došel na Doro išel na Eurovozijo. Ali nebre si pomoči ak so ga zebrali. Kak to zgledi, zebrali smo a ne znamo koga? Nebrem vam dopovedati koga smo zebrali, ali dečec ima umjetničko ime i zove se Baby Lasagna kaj god to značilo. Na se zadje je zišlo da je pesmica čistam kredna i čim smo jo pustili v Evropo mam je skočila na kladionici i to tijam na drugo mesto, a si znuomo da je drugo mesto mam čistam do prvoga kaj znači da bi naši pevači i naša pesma mogla i pobediti vu Šveckoj? Nišči nam nebre zabraniti kaj se mi moremo nadjati, a kak to bode, na se zadje, zišlo to niti dragi Božek ne zna. Nekaj nebrem razmeti kaj se je itak Severina motala oko toga dečeca, Zgledala je kak da mo je mama. Kak bilo da bilo, moramo priznati da ima vražjega nosa jerbo se motala okoli pesme i pevača šteri je pobedil. Štela je kaj jo bodemo vidli na Dori i nesmo mogli kaj jo nej vidli, A mortik je i dečec jeni kuliko jiv je potepla?

Kak kladioničari nejpredi se zazvedijo nekšega so razloga meli kaj so našo pesmo deli na visoko drugo mesto kaj očejo reči da bi se naša pesma, z malo sreče, dogla dosmickati do pobednika. No, nejte se preveč nadjati, pak je naš Ajduk več na leta drugi, več skorom dvajsti let, pak nikak nebre dojti na prvo mesto. Dauki je pot od zadjega mesta do drugoga, a još je čuda daleje od drugoga do prvoga, a nigdar neboš došel do prvoga mesta ak nemaš nikoga poznatoga vu VAR hiži. Pak je VAR hiža i zmišlena kaj se ne bodo ruon se utakmice rešavale na labodoritaškomo igrališčo!

I Dinamovci so zebrali…

I Dinamovci so zbirali. Kak se navelikom pripoveda demokracija je došla v Zagreb i to v Maksimir med Dinamovce. Sam dragi Božek znua kakša je to demokracija ak so jo dovlekli z Dalmacije, očem reči, „kupili od Ajdukovcov“ i kak to demokracki velijo glasovalo se po onomo jeden čovek jeden glas. A na velikom se pripoveda da je to jedina pravica i da vu temo nema fkajuvanja. Kaj bodem rekel, mortik je to tak i je sam si nekaj gruntam ak je takša pravica med Dalmošima, med Torcidom i med Ajdukovcima zakaj unda nikod nikam nebrejo? Dojdejo do drugoga mesta i nikam dale? Verjem da znate kak so Dinamovci zebrali Velimira Zajeca i jegovo listino “Dinamovo prtuletje” z 25 obligatov kaj bodo od ve nadale gospodarila z klubom. No, kak znuomo, ne bode sama nek bode žnjimi i Mirko Barišić, več dvajsti let precednik Dinam, a i jegova listina od 35 obligatov. Ve se bodo te na dve strane zebrani našli kaj zberejo novoga precednika Dinamovcov. Ve se stopram ne zna što bode itak prevagnul, je li ovi 25 ili pak oni 35? Ve so počele kupčije što bode itak komo svojega glasa dal? Sa je sreča kaj ne bodemo morali dugo čakati nek se to bode rešavalo v nedelo tak kaj bodo unda Dinamovci mogli igrati z milim božekom. Dok zberejo nove šrajfe, nove precednike, nove igrače v upravi unda bodemo stopram zazvedili je li je tua novodovlečena demokracija pala na plodno maksimirsko tlo. Dok se to reši unda bodo se najbrž si obrnuli prema igrališčo i labodoritašima i probali bodo znova biti prvaki Lepe naše jerbo uprava kluba je tu zbogradi labodoritašov, a ne drugač. Prepoveda se med Bad Blu Boysima da to bodo pravi izbori, da bode saki glasal kak si grunta, a ne kaj bodo sobom nosili šalabahtere na šterima bode pisalo komo morajo dati glasa ak očejo ostati v Skupštini Zagrebečkih Modrih!? Najgerek sam, jako sam najgerek što bode itak vedril i oblačil v Maksimirski šumi, što bode nasledil Zdravkeca Mamiča, šteri je još navek na “hodočasčo” pre Marijici v Međugorjo.

Navelikom se šepetuji izbori so nam na poceko

Navek je tak bilo pak najbrž niti denes ne bode drugač jerbo čim se počelo šepetujiti kak so nam izbori pre vrati unda je sima jasno, a z menom se i teca Franca slaže, da bodo izbori čuda predi nek se mi nadjamo. Jeno je sigurno da ne bodo predi Vuzma. Veli teca Franca, nejpredi Korizma i Vuzem, nejpredi dragi Božek, jeci, šunka i hren, a unda mi ljudi dohajamo kaj bodemo rešavali svoje probleme. Čim smo to zazvedili, makar još ne čistam točno, ali mam nam se otpira drugo glavneše pitanje: komo svojega glasa dati, a kaj ga ne bodemo potepli? Mortik mam ne znuomo komo bodemo svojega glasa dali, ali nejpredi moramo zazvediti komo ga ne bodemo dali? Sa je sreča kaj je pred mesec dni bilo “događanje naroda” i to onoga levoga pak nam je unda leži da znuomo kak na jiv ne moramo računati. Oni so tua došli kaj so nam rekli kak bi oni šteli vlast i ak jim to povoščimo unda bode jim čuda bole. A nam? Pak posle jiv bodemo mi prvi na redo, ak bodemo ftegnuli dojti na red jerbo je jiv hajdi, pak dok oni rešijo se svoje probleme mortik i štiri leti minejo. A mi nemamo tak čuda časa kaj bi mogli potepsti štiri leti. Levičari so dugo iskali maloga trga kak je Markijov kaj bode zgledalo kak ga jiv čuda, jerbo kak znate i vena je velika ak je mala, a nejvečpot zato kaj moški nemajo kaj deti vu veliko. No, ne ruon da nemajo kaj deti, denejo oni sikak sam ak je veni ne kak dragi Božek zapoveda unda hlebenče dok se porine nutri. Najgerek sam je li bodemo mi dobro to zakajlali ili nam bode pak hlebentalo štiri leti? Ili bodo pak odlučivali brojači, a ne glasači!?

Ostavi komentar

Povezani članci

Ostanimo povezani

49,208FanoviLajkaj
608SljedbeniciSlijedi
0PretplatniciPretplatiti

NAJNOVIJE