Saki je dobil ono kaj si je zaslužil!?
Unda znate da je tak bilo i tak je ak je zagrebečki gracki načelnik Tomica Tomaševič iz stranjke šteri se Morejo, a nikaj ne delajo, priznal kak je jegova strana pretrpela velike gubitke i to tak velike da on „ne može da veruje“ jerbo so Predrag Fred Matič, Budimir Buda Lončar, Bora Čorba, Mikin Vanja Špiljak i Josip Joža Manolič otputuvali u „večna lovišta.“ Mam je Lepoj Našoj leži jerbo se rešila jenoga pušleka oni šteri so jo ne meli radi, šteri so jo ne trpeli i šteri so još navek živeli v nigdar prežaljenoj Jugi. Tomica Tomaševič nikak „ne može da veruje“ da so te si tak naglo odišli na pot bez povratka. Buda je znal kak je to, još negda, mam posle Drugoga rata delala jegova „Podmorska bojna“, a i Joža je o tomo jako čuda znal makar je o tomo nigdar nikaj ne pripovedal i nikaj je ne priznal. Znuomo kakši je Tomaševič pak se moremo nadjati kaj bodo v Zagrebo si te šteri so ne trpeli Lepo Našo meli svoje vulice kak to napriliko ima Vladimir Ranogajac, šteri je v majo 1945. leta dal sfondati nekaj meje od jezero Hrvata sam zato kaj so ne trpeli i neso zvezdo petokrako. Ako si ne za nas komuniste unda si „državni neprijatelj“ govoril je drug Ranogajac i takše je pošiljal na streljanje i to mimo soda i bez potnoga naloga. Drug Ranogajac je delal se kaj mo je partija naredila i zato ima vulico v Zagrebo.
Tomica nikak neče priznati da je zgubil od Nenija
Si znamo da so se naši Međimorski plinači javili na natječaj v belom Zagreb grado kaj bodo zagrebečkim purgerima prodavali plina ovo leto, očem reči, ovo zimo. I to dvapot. I navek so bili faleši od Zagrebečkih plinačov. To je sima došlo z riti v glavo sam zagrebečkomo grackomo načelniko Tomaševičo to nikak nejde v glavo. Ne znati kaj je se do ve zmislil, kaj je se probal i komo se je se žalil, ali mo je nikaj ne pomoglo. On ve. nudi nižešo ceno nek so dali naši Međimorski plinači, Ali ve mo je prekesno. Lepo to veli teca Franca: prekesno je v pondelek iti k nedeljni meši. Ve se more Tomica i na glavo postajti, more Zagrepčancima nuditi plina i zabadav, ali ga oni morajo kupiti od naših plinačov jerbo tak je to na natječajo zišlo i tak je HERA donesla odluko. Što je Tomici kriv kaj se ne razmi v posel? Pak več je duže od tri leti zagrebečki gradonačelnik pak se je mogel nekaj navčiti jerbo je vreme pokazalo da on i ovi jegovi šteri se Morejo se ruon v nikaj ne razmijo. Kuliko vidimo sam so hitali drvje i kameje na pokojnoga zagrebečkoga grackoga načelnika (i međimorskoga zeta) Milana Bandiča. Čuda je leži nekoga šinfati i na red pobirati nek nekaj spametnoga naprajti. Kak je to bilo lefko dok je Bandič vozil zagrebečko smetje, a ve dok Tomičini morajo unda celi bregi smetja po Zagrebo čakajo na red, očem reči, čakajo prevoza, a prevoz nikak da dojde jerbo ga je Tomica ne naručil, z jedne strane, a z druge strane niti ga nemajo kam pelati. Na brege v Jakuševco več nikaj ne zide.
Čiji je Nikola Zrinski Sigecki?
Minuli tjeden je Zrinska garda Čakovec organizerala obilježavanje 458. obljetnice pogibije „hrvatskog Leonide“ Nikole Šubiča Zrinskog i jegovih branitelov u bitki kod Sigeta. To Zrinska garda sako leto organizera kak v čakoskomo parko de je postavila spomenika Nikoli Zrinskom tak i v Šenkovco (pre Sveti Jeleni) de je Garda postavila poprsje 2016. leta dok se obilježavala 450. obljetnica Sigetske bitke, a v Šenkovco je i mauzolej Zrinskih de je pokopana glava Nikole Sigeckog, a pokopan je i Nikola Zrinski Čakovečki, šteri je nastradal v Kuršanečkomo lugo pred 360 let. Zrinska garda sako leto organizera i pozove na obilježavanje se one šteri imajo bilo kakšo vezo s Zrinskima. Tak je bilo i ovo leto. Ali nigdar si ne dojdejo. Tak je bilo i ovo leto. Jako je čudno bilo kaj je nišči ne došel z Čakoskoga, očem reči, Međimorskoga mozeja jerbo mauzolej i kapela sv. Jelene v Šenkovco spada pod Muzej. Oni so otprli potno leso, otprli so vrata od kapele, a nišči je ne došel kaj bi se poklonil Nikoli Zrinskomo i kaj bi skupa preslavili sveto mešo. I ne sam to, nišči je ne došel v Šenkovec, a ruon tak je nišči ne došel v Siget de je bila komemoracija kak v Parko mađarsko – turskog prijateljstva i vu dvorco v Sigeto, šteri je lani obnovljeni i ve zgledi bole i lepše nek unda dok je bil novi. Zato pitam: čiji so Zrinski? Pak so ne Zrinski sam Gardini ak znamo da je Čakovec – grad Zrinskih, a i naša Međimorska županija je, ruon tak, županija Zrinskih. Ak so oni več naši, a jeso, unda si moramo zeti časa kaj obilježimo one nadnevke šteri so vezani za Zrinske onak kak to dragi Božek zapoveda. Ak morejo ovi z Sigeta dojti v Šenkovec, unda bi morali i ovi naši z Čakovca dojti v Šenkovec. Našima je to i čuda bliže.
Hajduk denes dohaja v Maksimir
Denes navečer se v Zagrebo v Maksimiro igra prvi derbi starih rivalov Dinama, zagrebečkih modrih i Hajduka, belih ftičov. Još se prvenstvo niti ne pravzaprav zalaufalo i več je na redo prvi derbi. Ta se je tekma trebala igrati v soboto, ali jerbo Dinamovci več v tork igraju v Minkeno protiv Bajerna Ligo prvaka unda očejo malo predi rešiti utakmico protiv Hajduka kaj bodo meli jeden den vejč za počinek predi utakmice v Minkeno. Ne bi ruon rekel da Dinamovci idejo na pobjedo protiv Bajerna, ali očejo se pošteno preprajti kaj ne bodo fasovali kak je to napriliko Reka naprajla v Ljubljani.
Pred par dni smo zazvedili kak so Hajdukovci dali otkaza svojemo šporckomo direktoro Nikoli Kaliničo, a nišči točno ne zna zakaj. Pripovedajo Hajdukovci da je dobil vritnjaka zato kaj je pristal kaj se ova utakmica Dinamo – Hajduk prebaci z subote na petek, a si znamo da je v petek 13. tak kaj se bode utakmica igrala toga nesrečnoga dneva. No, ne vidim zakaj bi Kalinič zbog radi toga moral dobiti otkaza? Čovek si je gruntal pak ak več moramo zgubiti, a Dinamo je večuda jakši, unda bodemo bar meli zgovora da je to bil takši hudi den, očem reči, črni petek. Ali poglednite ve to, pak saki petek dok zgubiš je črni, bil on trinajsti ili pak nekši drugi.
Čim ova utakmica mine v Zagrebo unda se bode mam zazvedilo zakaj je šporcki direktor Kalinič dobil vritnjaka od precednika Biliča, šteri ga je dopelal pred tri i pol mesece. Posle Perišiča odišel je i Kalinič, najgerek sam, jako sam najgerek kak bode dugo zdržal Gatuso šteroga je dopelal Kalinič? To bodemo znali v petek, trinajstoga v deset vur navečer!
