Čim dojde meseci april i maj mam so na dnevnom redo partizani, borci, drugovi i komunisti Bleiburg, Huda jama, Tezno, dnevi pobjeda, oslobođenja, spomeniki, rešti i grobnice…
Kak i sako leto tak je i ovo leto nejpredi došlo na dnevni red oslobođenje našega Međimorja od fašistov, makar so Nemci i Mađari bili prazvaprav nacisti, ali nekak ozbiljneše se to čuje dok se veli da smo otirali z našega hatara okupatore i fašiste. Fašiste smo natirali, a ostali so nam antifašisti šteri još dendenes vedrijo i oblačijo. Tak je to bilo pred nekaj meje od osemdeset let jerbo smo si si mi zacajhali, a tak so nas i v školi vočili, kak je Međimorje, te falačec zemle med dvemi vodami Dravi i Muru, a smestil se je na potoko Trnavi polek šteroga rastejo potočnice. Si znuomo da so Međimorje naše malo oslobodili Bugari i Rusi, a da so se naši partizani priključili posle i to več unda dok so okupatori dišli, a „oslobodoioco“ so feštali po goricama i kletima.
Ove dneve sam se malo pospominal z štarešimi šteri so hodali v mađerske škole dok je rat trajal i furt pripovedajo kak so oni protiv sakoga revizionizma, očem reči, protiv menjaja povjesti. Se mi je to jako čudno da ne znamo što nam je 1945.leta napisal povjest za šteroga se mi denes držimo kak pijanec za plot i ne damo kaj bi se zmenilo niti jeno slovo. A moramo jempot dojti na zeleno kito kaj znuomi što je ojkuperal naše malo Međimorje, a što ga je i od koga oslobodil?
Nejpredi moram reči da vu sim partizanskim (čitaj: komunističkim) knigama piše kak je Međimorje oslobođeno od 2. – 6. Aprila 1945. leta, a si znuomo da je bitka za Štrigovo, kak zadja v Međimorjo (kak da je Štrigova ne međimorska i neje v Međimorjo) bila 16,aprila i da je tam bilo hajdi mrtvih kak na jenoj tak i na drugoj strani. Jedino so partizani ne meli mrtve jerbo so oni došli dva tjedne potlik dok so si i Švabi, Mađari, Bugari i Rusi več zdavnja odišli. Kak povjest pišejo oni šteri pobedijo, očem reči, šteri zadji ostanejo, tak nam je nikaj drugo ne ostalo nek da od partizanov zememo povjest štera je bila takša kakša je bila.Škartna. I da se kaj očemo znati moramo pitati antifašiste šteri malo ili pak skorom nikaj ne znajo.
Nečemo nikšega revizionizma nek ostane se tak kak je bilo… A kak je pravzaprav bilo se meje ljudi zna. Pomalem sose zdošli…
Dok smo došli do međimorskih partizana i revizionizma unda se je zazvedilo kaj kaj toga. Si znuomo da so si naši Međimorci svoja vojna znanja stjecali na Kalniko v školi v prirodii, da so prek Drave hodili vu Vulariji ili pak Novi seli na Dravi de je da voda bila plitkeša. Rat je završil, kak smo rekli, v aprilo 1945, a partizani so došli čim so Bugari i Rusi resčistili međimorskoga zraka, očem reči, dok so Mađare i Švabe poslali dimo. Posle so došli partizani šteri so se gibali nejveč i nejduže po brežnomo Međimorji i to od kleti do kleti (kak Mladen Grdovič). Tam so meli kaj jesti, tam so si meli kaj spiti i tam so si mogli i prespati. Posle rata dok so komunisti zeli cugle političke vlasti vu svoje partizanske roke unda se je počela pisati povjest kaj se je itak, očem reči, pravzaprav pripetilo za vreme rata na ovomo našemo hataro. Čistam je normalno kaj so povjest pisali naši partizani z Kalnika šteri so preživeli se te međimorske ratne strahote na Kalniko z šteroga se vidlo Međimorje naše malo kak na dlano. Deca, štera so hodala v škole šezdesetih let (od 1950. – 1960.) so se vučili kak je na Kalniko djelovala i bila na dobromo glaso Međimorska partizanska četa, a oni šteri so hodali v škole posle, od 1960. – 1970. leta oni so zazvedili kak ga međimorskih partizanov bila čuda vejč i da so se Međimorci borili i Međimorje oslob odili v Međimorskomo partizanskomo odredo. Oni mlajši kaj so v škole hodali od 1970. – 1980.leta so več bili spametneši i oni so zazvedili od svojih profesorov povjesti kak so Međimorci na Kalniko meli svojo brigado, štera je črez par dni oslobodila celo Međimorje od Kotoribe do Štrigove. Još da so naši naučniki z povjesti duže drbali po pepelo povjesti oni bi najbrž zazvedili kak smo mi Međimorci na Kalniko meli svoje armije i se smo držali vu svojimi žuljevitim rokama od Mađari, prek Švabi pak do Ustaši, a i Talijani so kapitolerali dok jim je politički komesar Međimorske partizanske brigade, sosed Ivo, napisal oštro pismo. Tak, kuliko vidimo, paper i povjest hajdi toga zdržijo sam so protiv sakoga revizionizma. MI smo došli od čete do brigade i zato nišči nema pravo tu nekaj mejati. Nek bo tak kak je bilo. Ne znati sam što je sfondal onih 926 ljudi šteri imajo svoje ime prezime, šteri so preživeli drugoga rata, a posle so zgubili se, niti jim se ne zna de so jim kosti, a ostala so im sam imena i prezimena i paper od nacionalizacije.
Oni nemajo nikaj, zgubil jim seje saki trag i za jiv se nesme nigdi nikaj pitati, a unda dojdo nešterni šteri so bili v našem malom Međimorjo ili pak v Čakovco jeden den ili pak jedno odvečer i dobijo spomenika. Mi (ne)smo si jednaki sam so nešterni kuliko vidimo čuda jednakij
Međimorje i Lepa naša so oslobođene jempot zanavek i to je dosti
Kak smo več rekli Međimorje naše malo je oslobođeno v aprilo 1945.leta i još se dendenes ne zna što ga je oslobodil i kaj je posle Mađarov i Švabov ostalo na ovomo našemo hataro. Partizani so se zdošli, a cugle vlasti so vu svojimi rokami trdo držali komunisti i antifašisti i to tak trdo kaj se je z cugli voda scejala. Dobro ste čuli, Međimorje je jempot oslobođeno i več ga je ne trelo iti oslobađat i zato dok smo morali znova zeti puške (što je kakšo mel) i oditi znova v šume i boriti se z četnikima šteri so halosili po klaftrima i mekotama Lepe naše antifašistov ga nigdi ne bilo. Ne ruon nigdi, bili so doma i čakali so kaj bode ono kaj so o ni 1945. leta oslobodili znova oslobođeno. Pak ne bodo oni znova istoga hatara dvapot oslobađali. A znate kak je i to bilo, oni šteri so halosili prek meje Virovitica – Karlovac –Karlobag so ruon tak bili antifašisti i meli so iste petokrake.
Zato nikak nebrem razmeti se one, a med jimi ga hajdi i naši Međomorci, šteri još dendenes iščejo Titija v Kumrovco, a si znamo da je Ljubičica bela nigdar ne senjal Lepo našo i da je zdavnja odišel k Božeko na račun i tam v peklo na ogenj meče. To kaj ga je Evropa dela na deveto mesto nejvekših ratnih zločincov, a tak visoko je došel jerbo je sfondal cirka 600.000 Hrvatov, to naše ljude nikaj ne muoči. Ali ak jim vritneš mačka ili pesa z šterim se špancerajo po Kumrovco mam si na sodo.
Rekel sam, prek tristo jezer Međimorcov je bilo v Kumrovco na rođendano Ljubičice bele i to z kapama i petokrakama, a sam deset dni predi je nišči od teh ne bil vu Velikomo Trgoviščo na stoletnici rođenja prvoga našega precednika Franje Tuđmana šteri je zafremal Lepo našo i da ga jega ne bilo još bi mi živeli v nekšoj stranjskoj kraljevini z kosmatim precednikima i još bole kosmatimi ministrima.
