Da sam sabornik, mala moja, je li bi me štela?

Kaj bo itak politika od mene naprajla?

Moram vam priznati, a ne bi da bi mogel zdržati, kak sam jako najgerek kaj bode itak tua politika naprajla os mene? Si mi skupa smo to biračko telo Lepe naše na štero si računajo, očem reči, kak levi tak desni, a i oni izmeđo. Kam god se obrnem si očekuvlejo od mene kaj jim dam svojega glasa, a nebrem sima dati jerbo sam jenoga imam. I komo ga nek unda dam, komo ga nek fteknem? Dok smo hodali glase davat v nedelo unda je to lefko bilo, ak si ne znal komo bi svojega dal unda sam ne išel v krčmo na biračko mesto nek sam odišel k sosedi Bariki i tam sam se malo zaigral, joj sam dal svojega, očem reči, fteknul i vrnul sam se dimo kak da sam zbavil svojo biračko obavezo. Ali ve dok bodemo hodali glase davat v sredo ve nebreš ostati doma i ne iti na posel, a kaj ne bi išel glasa davat. Još bi nekak bilo da bi nešči nekaj nudil, ali si sam nekaj obečuvlejo i iščejo mojega glasa. Moram vam i to reči, nebrem niti po noči spati jerbo furt si gruntam komo bi itak svojega dal (za Bariko ga šparam), a kaj nej glasa potepel. Teca Franca mi furt pripoveda: Jožek, pamet v glavo, pazi kaj delaš, pazi komo ga boš dal! Ona tak meni govori, a niti sama ne zna komo bode svojega dala?

Kaj me košta, idem malo natepem lepšo polovico politike

Ne verjem da vi ruon nikaj ne znate kaj se ljudi spominajo za politiko, očem reči, kak se furt i navek pripoveda kak je politika fljundra. Makar so i žene došle v politiko, ali još je nišči ne rekel kak je politka nekaj drugo. Makar sam nigdar ne rekel da so političarke to kaj se ljudi za jiv spominajo, ali moral sam malo poljuknuti kaj se nudi nam kak biračkomo telo na ženskoj političkoj pozornici. Nejpredi sam nabasal na Sandro Benčič, štera bi štela biti premijerka, a neče biti fiškalica makar je osemnajst ler študerala pravo i zakone. Ona verje da jeda družina i jene pajdašice se Morejo, pak unda i ona se more. Čuda je leži biti premijer jerbo fiškali morajo i nekaj znati makar jo nišči ne pita kak je dugo študerala? Odma polek je na prvi linije (Radničke) fronte je Kata Pejovič ili kak jo partiski pajdaši zovejo „Kata šmajser.“ I ona bi štela nekaj biti vu toj našoj sabornici. Ne sam trebal dauko iti i naletel sam na nejjakšo karto na levoj strani vulice, a to je Anka Mrak Taritaš. Jo bije Glas jerbo osi glasa joj nišči drugi nikaj nebre. Več dugo je leva strana ne mela tak jakoga kandidatlina. Če duže dale nahajam se Spametneše političarke. Koga si nek mali čovek, kak sam napriliko ja, zbere je li bo si zebral Dalijo Oreškovič ili pak Marijano Puljak? Koga? Ak znuomo da je jena Spametneša od druge? Morem vam reči da sam dosti dugo bil na ženskoj strani, ali sam si nikaj ne prebral. I nikaj sam ne spametneši. A dok so žene, očem reči, političarke vu pitanjo tu nebrem nikaj teco Franco pitati. Kuliko vidim i dale bom si gruntal cele dneve i noči komo bodem ipak na krajo svojega dal.

Najte me krivo razmeti…

Če si čovek duže grunta na se zadje dojde do toga kak so nejglasneši za svoje sabornike Zoki Milanovičov i Drašek Plenkovičov. Zoki furt pripoveda kak Plenkijovi ministri kradejo naše, a nikaj ne pripoveda o tomo čije so krali jegovi ministri. Istina Božek da smo mi mali ljudi, mi biračko telo je malo bedasti, ali smo ne tak bedasti kaj bi veruvali kak so Zokijovi ministri bili poštejaki. Poštejaki so ruon ne bili, ali se hajdi toga kaj so delali prekesno zazvedilo. Če duže dale vejč toga dojde na svetlo dneva, a za svastika na Poljudo se nigdar ne zazvedilo što jo je naručil, a što narisal makar Torcida se zna. Znuomo da je to zdavja bilo, jeno deset let je minulo, ali smo ne pozabili kak je ondašji esdepeov minister Slavek Liničov zmislil predstečajno nagodbo štera je bila nejvekša pljačka hrvackoga gospodarstva. Jenima so zeli, a drugi so kaserali. I to ne male peneze. Kuliko toga smo več mi mali ljudi platili? Tak čuda kaj i sami sebe spituvlemo de smo zeli tulikše peneze. I ne sam to, tuliko toga se je v Lepoj našoj pokralo, a još je dosti toga ostalo. Da je ne pak se nej tuliko političarov borilo kaj znova dojde do cugli vlasti, jerbo da ga ničega ne ne bi se niti nišči cukal kaj bo gospodaril z praznom kasom!

Pripoveda se kak je Zoki Milanovičov čuda jakši igrač od Drašeka Plenkovičovoga? No, neso to pokazale sakefele ankete nek jena obična ali malo jakša vaga!

Mi smo nejmenša županija pak nemamo reko nek sam potoka

Kaj vam nek rečem nek ono kaj čujem. Pripoveda se seposod i to se glasneše i glasneše kak “Reke pravde” tečejo i tečejo… No, morem vam reči da se čuda vejč pripoveda nek to pravzuaprav moremo videti. Napriliko, si znamo kak je naša Međimorska županija nejmenša v Lepoj našoj i unda je ne nikaj čudno kaj mi imamo potoka, a ne reko. A naš potok se zove Trnava i on teče sam unda da dežđ ide i to duže od dva dni. Kak sam več rekel naš potok teče dok ga je vode, kak je bilo minuli tjeden, a suhi je skorom celo leto i ova leva koalicija ga je ne napunila. Preslaba je, a i Drava pre Varaždino je nekša plitka i ne teče nek mili.

Cekeri i korpice bez politike

Minulo nedelo, na Vuzem, nosili so se na blagoslov Vuzmeni zajtreki kak je to red odnavek. Zajtreki se nosijo v cekerima i korpicama, a nejveč so jiv donesle, kuliko sam mel za videti, žene. Neje to nikaj čudnoga da znuomo kak žene držijo pre saki hiži nejmeje tri vogle i unda nesejo zajtreke v cirkvo na blagoslov jerbo tak važnoga posla nebrejo dati moškima v roke. A niti se moški preveč niti ne rivlejo k tomo poslo. Kuliko sam mel za videti, a i za čuti, niti v jenoj korpici, a niti pak v niti jenomo cekero ga ne bilo politike kaj znači da so naši župniki ne mogli blagosloviti politko jerbo jo je nišči ne donesel. Ve znate da politika štera nas bode dočakal sesemnajstoga aprila na birački mesti je ne blagoslovlena!

Ostavi komentar

Povezani članci

Ostanimo povezani

49,208FanoviLajkaj
608SljedbeniciSlijedi
0PretplatniciPretplatiti

NAJNOVIJE