Neje lefko biti sodec Ustavnoga soda v Lepoj Našoj
Minola je inauguracija novoga precednika Lepe Naše Zorana Zokija Milanoviča. Prisegel je pred sima šteri so došli (Božek je ne bil pozvani) i to z rokom na Ustavo, šteroga je hitil v kuruzo predi zadjih parlamentarnih izborov da je štel biti i precednik Vlade, a i precednik Lepe Naše vu istomo cajto. Nekaj kaj je niti pokojnoj Ljubičici beloj ne uspelo. Nekaj si gruntam je li bode vredila tua inauguracija jerbo je prisegel z levom rokom na Ustavu, a on je ne, kuliko, ja znuom, lovac?
Neje to bilo tak zdavnja kaj se nej zmislili kaj je se nametal socima Ustavnoga soda i to sam zato kaj so ga ne pustili kaj bi postal alfa (premijer) i omega (precednik) Lepe Naše. Nazval jiv je gansterima, muljatorima, glupanima, štalnim muhama, lažnim doktorima znanosti, otimačima Ustava i ponucanim kuhinjskim kredencima. Makar je stal mirno pred tem ljudima i to z rokom na Ustavo ipak je ne mogel zmagaditi dokraja a kaj ne bi pokazal da jim je još ne pozabil kaj so mo hitali cepanice pod noge (čitaj: porinuli so mo Ustava pod nos) dok je on precednik štel iti za premijera i zato se je ne rukoval z precednikom Ustavnoga soda Miroslavom Šeparovičom. Zoki ne bi bil zdrav da je ne nekšo spačko napravil.
Neje se preveč čudil kaj so mo ne došli precednik Vlade Drašek Plenkovičov i precednik Sabora Gordan Jandrokovičov na inauguracijo jerbo kakšim jiv je se epitetima okinčil v minulih pet let neje se niti mogel nadjati da mo bodo došli. Bilo je važno kaj so v publiki bile samodopadne narikače i vesela veverica. I skorom sam pozabil na zagrebečkoga grackoga načelnika Tomaša Tomaševiča, šteri je došel v novim, ali ne baš čistim patikama. To je denes moderno v partiji de se Morejo, a nikaj spametnoga ne delajo!
Kaj je itak Zoki dužen partizanima?
Ne znati kaj je itak Zoki dožen partizanima kaj je na inauguracijo pozval nejstarešo, očem reči, zadjo živo partizanko 101-letno Vjero Andrijič. On jo je pozval i ona je došla. Ne znati kak, ali Zoki je precenil da se je Vjera za vreme Drugoga rata borila, v Prvoj četi Prve proleterske brigade, na Neretvi i Sutjeski za Lepo Našo. A nejbole se zmisli kak so ona i jeni partizani sfondali (čitaj: potamanili) se fratre vu Širokomo Brego. Niti jiv je što kaj pital, niti so bili na kakšemo sodo, ali so jiv se, od prvoga do zadjega, potamanili jerbo čim so bili v mantijama to so stoprocentno bili ustaše. A ustaše je trelo pozamaniti bez pitanja i soda. Ve si morete pregruntati kak joj je to bilo na srco da se je toga nejpredi zmislila i sprepovedala kak da se je to fčera pripetilo i kak da je došla na spoved.
To kaj je Zoki pozval partizanko Vjero meni vleče na provokacijo jerbo je ne pozval, i ne sam pozval nego niti spomenul, nikoga z Domovinskoga rata vu šteromo so pravzaprav zafremani fondoši neovisne i samostalne Lepe Naše šteroj je on ve, niti kriv niti dožen, precednik i vu fondoše je porinul antifašizma. Ruon tak je mogel pozvati nejstarešega ili pak nejmlajšega branitelja, a ne kaj je išel osemdeset let nazaj iskat partizanko štera mo je bila „črlena zvezda“ inauguracije i još se je falila z strahotama kakše so partizani delali za vreme Drugoga rata.
Da bode jempot naš Domovinski rat dobil mesto štero mo pripada v Lepoj Našoj i da bodemo priznali i rekli našoj deci i vnukima kak ga nej bilo Lepe Naše da ga ne bilo branitelov šteri so pobedili četnike i jugosoldatesko i natirali jiv prek meje otkod so se i dotepli na of naš hatar.
Ima Zoki praf dok veli kak so ova naša vremena zanimljiva… Kaj ljude ne bomo spominjali!
A ima praf i Thompson vu svoji pesmi: „Ak ne znaš kaj je pravzaprav bilo…?”
Thompson nam je sima pokazal kak se črez Čakovec ide za Zagreb
Posle kak je naš nejglasneši pevač Marko Perkovič Thompson dočakal naše srebrne rokometaše na Jelačić placo v belom Zagreb grado i to z svojom pesmom i rokometnom himnom „Ak ne znaš kaj je bilo“ navelikom se je pripovedalo kak bode popeval ovo lerto i v Zagrebo i to na Kajzerici, na hipodromo. Kuliko se čuje, zagrebečki gracki oci so našli fraj termina v juljušo meseco. Več so se naši ljudi šteri štimajo Thompsona prepravljali za Zagreb, a unda se je Marko v pondelek pojavil v Čakovco. On je došel kaj z našom čakoskom Zrinskom gardom snimi spota za svojo novo pesmo „Nepročitano pismo“. Najme kaj, Peter Zrinski je navečer predi nek so ga smaknuli 30. aprila 1671. leta napisal oproštajno pismo svojoj dragoj ženici Katarini. Marko Perkovič je zazvedil kak je Katarina nigdar ne to nejlepše ljubavno pismo na sveto, poznato pod naslovom „Moje drago serce“ dobila, a kamoli prečitala. Thompson je napisal nove reči za to pesmo, napisal je novo glazbo i ve je došel kaj polek Staroga grada, polek gardinoga spomenika „Oproštaj“ snimi spota za to novo pesmo, očem reči, novo oproštajno pismo. Thomsono so vu snimanjo pomogali gardisti i Zrinska garda tak da bodemo drugi mesec to se vidli na promociji novoga spota i nove pesme vu našemo grado – Grado Zrinskih. Fala Thompsonu kaj i on, osim naše čakoske garde, čuvle baštino obitelji Zrinski, a žrtva Petra i Frana sigurno je bila takša kaj jo nesmemo zabiti. Moramo znati kaj je bilo makar je minulo vejč od 350 let.
Kandelaberi dohajajo v Čakovec, ali ne tam de jiv nejbole nucamo
Čakoski gracki oci se falijo kak bodo nabavili kandelabere i to jako fletno kaj bodo resverlili nadvožnjak vu Zrinsko-frankopanskoj vulici i ro čistam na kraju, očem reči, tam prema Nedeliščo pre Trokoto. Več se par tjedni spominamo kak treba čuda vejč svetla za čakoske zebre kaj bodo Čakovčanci i Čakovčanke, očem reči, Međimorke i Međimorci mogli sigurneše hodati prek ceste i to ne sam oni nek i jiv deca i vnuki. Rekel sam več kak je zebra pre glavnomo čakoskomo Konzumo, kak mi to velimo vu staromo Metalco, v kmici, kak ga dosti zebri po Čakovco v kmici, a nejglasneše se bunijo stanovniki Juga, očem reči, Buzuvčari i Pustakovčari po čijemo hataro ide Preloška vulica štera ima štiri zebre i, fala Bogo; se štiri so v kmici. Prosil bi lepo gracke oce kaj bi nejpredi postajli kandelabere polek zebri tak kaj bi se navek vidlo da nešči ide pre ceste i tak bi olakšali šoferima kaj bi bole pazili na nas pešake. Bole naprajti predi, bole sprečiti nek se zgovarjati dok se nekaj pripeti. Bole da napravimo svetla nek da bode morali pak iti na sprevod i to deci.
