A Pantovčak i dale čaka i magdi

V prvomo krugo smo pokazali kaj si gruntamo o HDZ-o

Prvi krug davanja i brojanja glasov za precednika Lepe Naše je gotov. Završil je onak kak se je što i prepravlal. Ak bi vam rekel da je završil onak kak sam se i nadjal unda mi bodete rekli da je nejleži biti general posle bitke. Ali ak so skorom si drukali za Zokija Milanoviča unda je niti drugač ne moglo ziti. Neje skorom celo biračko telo bilo za Milanoviča, ali so si bili protiv HDZ-a, ruon tak kak i Milanovič. Neje Zoki nikaj nudil za svoj drugi mandat “šake z Pantovčaka” nek je se obrnul prema HDZ-o i uvjeraval je naše ljude, naše biračko telo i celo Lepo Našo da morajo svoje glase dati jemo ak očejo kaj bode v Lepoj  Našoj se drugač nek to HDZ dela, a se nevole v našoj mladoj i lepoj dohajajo od HDZ-a, očem reči, Drašeka Plenkoviča, šteri je več osem let premjer i vodi Lepo Našo čistam drugač nek je to delal Milanovič dok je drmal z Banskim dvorima i državnom kasom… A on jo je ne vodil nikak, nikaj je ne delal, nikaj je ne napravil i jedva je čakal kaj mo mine mandat jerbo je ne znal kaj bi z sobom, a ne kaj bi znal kaj bi z neovisnom i samostalnom državom. Oni šteri se ozbiljno bavijo državnom politikom, kak je napriliko novinar Marcel Holjevac, niti ve ne očekuvlejo nekaj preveč od Milanovičovoga posla jerbo on bo se onoga kaj je govoril držal ak to bode jemo pasalo, a ak ne unda bode delal (ili ne bode delal) onak kak jemo paše. Moremo deti roko na srce i priznati kak je Zoki kak precednik bil jako šparaven jerbo je nikam ne odhajal, nikam dale od Pešte, Banja Luke, Podgorice i Albanije, a i nišči mo je ne preveč dohajal tak da smo tu ne meli skorom nikše stroške, a novinar Holjevac je stoprocentno siguren da bode i dale tak pak je napisal: “Milanović će tako, očekivano, provesti još pet godina na Pantovčako ljenčareči, podrivajući institucije poput DORH-a i Ustavnog suda i pravdajući to time da ih je HDZ “okupirao”, a jedini interesi koje štiti su oni njegovi i njegove partije. Mimo toga sramotit će Hrvatsku na međunarodnom planu i raditi štetu, srećom ne preveliku jer su njegovi međunarodni kontakti ionako minimalni do nepostojeći. Ukratko, radit će ono što i Fata iz vica radi na krevetu između Muje i Hase; smetati.”

Škoda kaj je ne Zoki pobedil v prvomo krugo jerbo bi tak prešparal se stroške drugoga kruga izborov. Tak mi velimo, a oni šteri so v biračkim odborima, v biračkim povjerenstvima kak i oni šteri kontrolerajo kaj bodo izbori prešli onak kak bog zapoveda oni si gladijo brade jerbo bodo jim pak v žepe pali lepi penezi. Tak je navek bilo, jeni služijo i punijo, a drugi trošijo i praznijo naše lokalne (neje od glagola lokati) i državne kase.

Zazvedili smo kaj si naše biračko telo grunta o HDZ-o i hadezeovomo precedniko Dragano Primorco, ali to so zazvedili sam od oni 50 procentov šteri so došli glase davat, a o onima šteri so doma ostali ne znamo nikaj. Najgerek sam kak bode to itak zišlo ak i ovi drugi 50 procentov dojde gla+se davat v drugomo krugo? No, ak bodo došli pobedil bode on šteroga si bodo oni zebrali.

HDZ je mogel, čistam lefko, pobediti da je štel

Celi izborni program Zokija Milanoviča je bil predstavljen biračkomo telo v jenoj rečenici, a ona je glasila napriliko ovak: – Ja sam se kontra HDZ-o, očem reči, ja sam se ono kaj so oni ne i se bodem napravil čistam drugač kak oni sam kaj još pet let ostanem na Pantovčako. Tu je se jasno i glasno rečeno i ne treba nikaj deti kcoj ili pak pitati. No, nebrem razmeti Hadezeove političare kak so nespretno reagerali na te Zokijov program i to tak kaj so v nedelo, v prvomo krugo davanja glasov odišli po riti k meši. Da so mene pitali dal bi jim čistam pragmatičnoga savjeta i to po onoj staroj pučkoj: cilj opravdavle sredstvo, očem reči, ak znuomo kam očemo dojti unda bodemo se naprajli kaj najdemo pota šteri do tam vodi. Si smo znali da Zoki i jegovo biračko telo delajo se kontra HDZ-o i zato je HDZ moral kak svojega kandidata podržati Zokija i unda čakati kaj bode Zokijovo biračko telo naprajlo? Ako bi glasali protiv unda bi Zoki zgubil, a ak bi sikak glasali za Zokija unda bi i HDZ bil na pobjednički strani. I kak bi se to unda rešilo? V prvomo krugo nikak, ali zato imamo drugoga kruga, jerbo kak smo rekli, bič puoči posle drugoga kruga. Najte se nikaj čuditi, v politiki je se moguče ak znuomo da je politika umiječe sega mogučega, točneše rečeno, sega nemogučega. Politika more se kaj nišči drugi nebre, a to kaj ne napravi nikaj to je več drugi par rukavov!

Komo so svoje glase dali (grado)načelnici i župani

Stoprocentno sam siguren ka si (grado)načelniki i župani v Lepoj Našoj svoje glase dali Drageco Primorco, šteroga je v trko za Pantovčak poslal premjer Drašek Plenkovičov, ak so ne Farizeji. Zakaj? Pak što jim je drugi pomogel kaj so si zdigli plače neg Plenkovič? Neje važno kaj to ide z žepa nas poreznih obveznikov oliti biračkoga tela, ali nesam čul za niti jenoga (grado)načelnika ili pak župana šteri si je ne zdigel plačo, očem reči, šteri je ne skoristil priliko. Neje važno kuliko što dela, kuliko si što zasluži, ali tre zeti kuliko se nudi i more. Što zna što bode ostal vu svoji fotelji posle majuša i novih lokalnih (neje od glagola lokati) izborov, a ono kaj je došlo v žepe to je naše (čitaj: moje) i ničije drugo. Bole vrabec, i to on vekši, v roki nek golob (čitaj: novi mandat) na kiti. Kuliko vidimo znajo (grado)načelniki i župani od čega muhe crkajo.

Javila se je, kaj se penez dotikavle, i teca Franca. Nebrem razmeti kaj se je joj pripetilo da mi je z čistoga mira priznala ka je i joj penzija, štero več skorom četrdeset let dobavla, čistam kredno zrasla v leto štero je pred dva tjedne minulo. Rekla je: Da bi tak sako leto bilo unda bi se i ja, ve pred kraj živleja, obogatila. Kaj reči, malo je takši kak teca Franca šteri priznajo da dobavljajo več nek morejo potrošiti. A najbrž je to zato kaj so se jene pajdašice, skorom se, več preselile v Miholjane!

Ostavi komentar

Povezani članci

Ostanimo povezani

51,240FanoviLajkaj
608SljedbeniciSlijedi
0PretplatniciPretplatiti

NAJNOVIJE