14.5 C
Čakovec
Četvrtak, 28 ožujka, 2024

Nigdar je ne mladi ftič hranil staroga!!!?

[layerslider id=”6″]

Ne znati zakaj so Dačičovi i Vučičovi sosedi četniki naprajli izložbo v Nevjorko o tomo kak je tobož bilo v Jasenovco od 1942. do 1945, a još navek Udba skrivle papere kuliko je pravzaprav ljudi tam našlo svoje grobiče. Gvinta me to zakaj so ne dali vum kuliko je ljudi (i to nejveč Hrvatov) tam sfondano od majuša 1945. pak se do 1951. leta da se je te logor počel zapirati. To kaj so četniki 1944. leta prešli na strano partizanov, i na se zadje, bili 1945. na strani pobjednikov v Drugomo rato, jim ne davle pravo kaj ve, prek sedemdeset let posle, hičejo ljudima peska v oči i to onoga lažljivoga. I to ne sam našim ljudima nek i Amerima šteri ne znajo kak je to bilo prinas v Drugomo rato, očem reči, što se na čijoj strani boril i što je i kak za koga „igral ili drukal“. Mogli so na izložbo deti i one štere so četniki v partizanima potukli v majušo i junjušo 1945leta v Osterajho i Deželi: v Celjo, Dravogrado, Bleiburgo, Mariboro – Tezno, Hudoj jami, Jazovkama, Maceljo i dale na Križnomo poto šteri je počel v Bleiburgu, a završil je tijam v Makedoniji. Jako čuda ljudi je došlo v Celje, Dravograd, Bleiburg, prek petsto jezer, čuda jif je tam i kosti ostajlo, hajdi jif je genulo nazaj otkod so dišli, a nigdar so ne tua došli. Sam nekaj vejč od pedeset jezer je preživelo Križnoga pota. Najbrž so metki sfalili?

Još nekaj, pak so ne trebali iti tak dauko nazaj, mogli so Dačičovi i Vučičovi četniki naprajti izložbo sliki kak je to bilo 1991. – 1995. vu Vukovaro, Ovčari, Lipiko, Dubrovniko, Škabrnji, Sarajevo, Srebrenici ili pak nekaj predi na Kosovo, pak jim je to čuda bliže, a i čuda vejč sliki imajo. Nek ljudi vidijo kakši so četniki bili ljudi z  puškama jugosoldateske v rokami i z mržnjom prema sosedima i brači Hrvatima v srco.

Naša precednica, Kolinda Grabar Kitarovič, je na se zadje pozvala srbijanskoga precednika Vučiča kaj dojde k nam v Zagreb na spominek. Kak se do ve čuje on bode i došel, ali sam v beli Zagreb grad. Kak veli Tanja Torbarina trebalo bi ga pelati malo i na izlet vu Virovitico, Karlovac i Karlobag kaj bode videl mejo i tua mesta štera so senjali 1991. leta, a senjajo jif još i denes, kaj bodo jiva. Vu Vukovar ga ne tre pelati, tam je bil 1991. leta.

Spituvle jo me ljudi po vulici, ovi pre čakoski gracki vuri (???), a se gosteše i ovi kaj saki den pijejo kavice po dve, tri vure v čakoski gracki kavani, kaj je z Agrokorom, kaj bode žnjega, a kaj pak bode z Ivekom Todoričovim. Nebrem vam tu nikaj reči jerbo vam ne bi znal što je to se, zakaj i kak zakuhal? Je li je Ivek Todoričov kriv ili ne, je li se je preinvesteral ili pak je zahuzal penez, ruon tak vam ne bi znal reči?  Mortik je kriv, a mortik ne? Znate da je mortik navek bil veliki gospon! Mortik je nekomo smetal kaj se počel preveč širiti i to prek meji Lejpe naše? A mortik se prek Iveka Ameri i Rusi borijo što bode del „šapo“ na vekši falat Lejpe naše? Si velijo da je kriv jerbo da je ne ne bi odišel odišel na malo dukši urlab v Englesko, očem reči, vum z Evrope. No, prinas je tak da dok nešči veli da si kriv i ak unda to piše i v novinaj, unda si kriv i zaprejo te v Remetinec, i to tu mam polek porte, i tak dugo si nutri dok ne dokažeš da si ne kriv. A ako pak ne dokažeš da si ne kriv unda te posle preselijo bole nutri kaj si na sigurnešemo i kaj ti nej furt hodalo po pameti kak bodeš tak fčasi hodal po sunco. To vam je se po onoj staroj več hajdi zlizanoj priči kak je zajec bežal prek meje v Deželo jerbo so prinas škopili bike. Pak so ga pitali zakaj beži pak je on ne bik. Otpovedal jim je: dok ja jim dokažem da sam ne bik odoše meni muda, očem reči, jajca.

Kaj vam bodem rekel, več sam bil, takorekoč, stoprocentno siguren da ga ovo zimo ne bode snega, a unda je sam jedno jutro zacurel. Nejga ga preveč, ali za rezmetati čistam dosti. Morem vam reči da sam v naši vulici ne videl niti jenoga mladoga kaj bi rezmetal snega se ovi stareši šteri so se rodili predi hrvackoga prtuletja. Nekak sam si gruntal da je tak sam v naši vulici, ali čim sam dale išel nikaj se je ne spremenilo. I v školaj, i to onaj srednjaj, so stareši rezmetali snega kaj ovi mladi ne bi, nedaj Božek, žuleke dobili. Imajo oni praf, gracka deca i lopate nejdejo skupa. Dok sam se požalil teci Franci kak se deca nikak ne držijo kcoj k poslo, lopatama i snego i kak mi ve moramo mesto jif delati, lepo mi je otpovedala (posle frakleca slivne žganičke): – Da pak si videl kaj je mladi ftič hranil staroga? A i kaj se čudiš, pak si ti svoje odgajal, pak so tvojo školo prešli, a i dale sam odmečeš?

Moram vam reči da sam ostal brez reči dok sam prečital kak muoči z stranačkom ili pak partiskom knigicom zaslužiti cirka tridesti jezer kuni i to sam v nadzornaj odboraj. I mam mi je došla želja kaj bi se zapisal v nekšo partijo ili pak stranko, ali to ono na vlasti, jerbo sam oni na vlasti služijo, ali dok sam prečital da se te penezi zaslužijo za štiri leti unda me je volja minula, a i glas mi se je vrnul. Pak so to ne nekši veliki penezi. Nekaj se potroši na cipelarino ili benzin, nekaj na kavice, gemištece, a bormeš i opravilo košta, nebreš hoditi oblečeni kak canjkar ak si v politiki i to političar. Ve se si mi šteri ne služimo na politiki spominamo je li bi ovi političari mogli to delati zabadav? Mi se spominamo dok ga jif ne blizo jerbo čim oni dojdo unda nam hitijo vum računico i to takšo kaj bi i mi mam zdigli roko i dali jim vekše peneze.  Nekak si gruntam da se z te mele kruh ne bode jel, mislim z politike zabadav, jerbo znate kak si velijo da je politika k…, očem reči, frajska žena štera da komo oče, a takše žene so nigdar ne bile zabadav. I ne sam to, još so moja mamica znali reči, a to mi je ve i teca Franca znova rekla, da ono kaj je zabadav nebre bogzna kuliko vrediti i od toga nebreš nekaj preveč očekivati. I ogjogasci so sami došli v društva i tu so zabadav. No, nejso zabadav nek so tu ak bi jif mi, nedaj Božek, nucali. Očem reči, došli so zabadav, ali i oni nas nekaj koštajo. Se nas je te, tobož, kapitalizam pokvaril!

Ve je i to rešeno, ve bodem mogel znova mirno spati. Naš župan, Matija Posavcov, je na se zadje ipak došel v Precedništvo stranke i to črez mala vrata, a tua mala vrata mo je otkrečil precednik stranke Ivek Vrdoljakov. Več hajdi dugo sam si gruntal i to kak sam rekel, po dnevo (meje) i po noči (vejč) kak bi zgledalo to precedništvo narodnjakov brez našega župana, a on je jedini župan, narodnjak. Kak bi teca Franca rekla, pamet je na krajo pobedila i Matija se našel tam de mo je mesto. Skorom sam vam pozabil i pošepetnuti kak je Matek i glavni, očem reči, vodeči narodnjak v našoj Županiji. Pak je to, prosim vas lejpo, ne mačji kašelj!

Pred nami je Fašnik tak da bode pak saki mogel biti ono kaj mo nejbole paše. Mel sam za čuti da so maškori, dok so prevzeli ključe od čakoskoga grackoga načelnika, Štefa Kovača, pozvali se Čakovčare i se Međimorce dobre vole na korčulovanje na glavni čakoski trg i to odvečer na fašinsko nedelo. Neče se led nikak restopiti pak ga tre ponucati dok je još za nekši hasen. Ne morate biti strahom, neje preveč škliski pak nebrete pasti nikam drugam nek na zemlo, očem reči, na led.

Falijo se naši međimorski pčelari kak ga na našemo falačko zemle med dvemi vodami dosti pčeli i pčelarov kaj znači da ga i dosti meda. Ve smo pak došli na ono kaj sam vam minuli mesec prepovedal: ak očemo kaj bode i dale prinas v Međimorjo tekel med i mleko moramo se pobrigati za krave jerbo nigdar ga ne bilo mleka brez kravi. Bar ne prinas v Međimorjo. Med je dober za naše zdraviče, ali je čuda bolši ak kcoj ide i mleko. I teca Franca se slaže z menom makar ona meda nuca dok prazni frakleca žganičke, ali navek jo posle najdem pre tajero z mlekom. Da je to ne vredo brzčas teca nebi tak sigurno hodala po ovomo sveto več duže od devedeset let.

Kuliko se denes laže, Pinokio je mali Ivica!

 

Ostavi komentar

Povezani članci

Ostanimo povezani

43,705FanoviLajkaj
608SljedbeniciSlijedi
0PretplatniciPretplatiti

NAJNOVIJE