15 C
Čakovec
Četvrtak, 28 ožujka, 2024

I ja očem delati v Tehnikso

[layerslider id=”6″]

Kak i sako leto, tak so se i na ovo prvo nedelo v junjušo zišli v Macljo oni ljudi šteri poštuvlejo svoje mrtve kak i oni šteri iščejo svojo rodbino štero so partizani, komunisti sfondali mam posle Drugoga rata 1945. leta. Znate več kak je to bilo, ljudi so bežali pred Črlenom vojskom i pred partizanima tijam do Blajburga, a dok so jim tam pobrali puške i se drugo kaj so meli unda so jif poslali nazaj dimo. Dugo so išli, ali saki den jif je bilo se meje i meje. Ovi šteri so jif sprevajali (čitaj: partizani) so se saki den brigali kaj jif bode se meje i meje. Menša briga. Tak je i tu v Maceljski šumi, Lepom bukvom zvanoj, a i se okoli zanavek zaostalo cirka trinaest jezeri ljudi. Pospravleni so pod zemljo v 123 grabe od šterih so 23 skopane i 1163 kosturov je pospravleno v skupno grobnico polek cirkve, a si drugi još počivlejo po „šumama i gorama“ de so jif partizani zadrbali.

    Sedamdesettri leti so minule od teh dnevov da so se pobedniki z rata utrkivali što bode vejč ljudi z fondal, a te ljudi so još navek ne zakopani kak ljudi. Neso zakopani tak kaj bi jiva rodbina mogla negdi vužgati svečo i kaj bi se negdi mogli pomoliti za jive dušice. Bilo je med jimi i dece i ženi, mladih, svečenikov, starcov, ali si so bili jednako krivi: neso bili partizani, neso bili komunisti. Več dvajstipet let otkak nešči v Lepoj našoj brenza kaj bi se si pokojni skopali i posprajli v skupno grobnico makar te kosti nigdar ne bodo mele ime i prezime. Nešči brenza kaj se nej zazvedila istina makar so kosti pod zemlom se glasneše i glasneše. I one očejo kaj se več jempot zazvedi prava istina: Zakaj so oni pod zemlom i što jif je tua spravil?

    Župan krapinsko-zagorski, Željko Kolar, je niti ovo leto ne došel kaj bi se poklonil tem žrtvama komunizma, tem cirka trinaest jezeri ljudi čije kosti počivlejo pod zemlom na jegovomo hataro, ali je zato tjeden dni predi bil v Kumrovco ( i hital zvezdo petokrako) na rođendano Titijo šteroga je Evropa osudila i na hrbet mo je dela krivico za nejmeje 586 jezeri (nejveč) Hrvatov štere so jegovi partizani i komunisti potukli od 1945.-1952. Tuliko so komunisti priznali i z tem se negdašji minister milicije, Ranković falil.

    Najbrž ste pogunuli, neje došel niti esdepeovec i sabornik Neven Stazič. On još navek broji kuliko so to ljudi potamanili jegovi komunisti i partizani? Kuliko je to jerbo je jemo premalo? A i dela spiske branitelov štere pošilja vum z Lejpe naše kaj bode mel dosti placa za šepurenje. Kak puran. Moral bi reči, srmaški Sabor v šteromo sedijo Staziči šteri so još niti dneva ne preživeli v Lepoj našoj jerbo još navek živijo v Jugi i plačejo se za ljubičicom belom.  

    Ne bodete veruvali, ali sam pred dva dni zišel čoveka šteri je pre čakoski gracki vuri pil pive i čakal štafeto. Priznal mi je da se je štafete ne fčakal, ali se je zato drug Tito prepelal polek jega i to na peciklino.

    Prepravlajo se partiski izbori v međimorskomo esdepejo. Ali tu ne bode kak je drugdi šega kaj bi meli sam jenoga kandidata za jeno mesto i unda si zberejo šteroga očejo, oni bodo meli dva kandidate i to obedva moški, očem reči, ne poštuvlejo žensko kvoto. Nesam rekel da ne poštuvlejo žene, ne, žene imajo sa prava i morejo si zbrati med dvemi kandidati, morejo si zbrati komo bodo dale, je li se bodo odlučile za mladost ili pak iskustvo. Verjem da so esdepeovke dosti odgovorne i da bodo dale svojega glasa svojemo odabraniko i da se ne bode pripetilo kaj bi jivi glasi ostali doma. One najbrž znajo da jivi glasi navek odlučivlejo. Ve je v predizborni kampanji tak zišlo kaj bode Čakovec (Mario Medved, zamjenik gradonačelnika) išel protiv ostatka Međimorja (Mladen Novak, precednik županiske skupštine). Što vejč vredi? Što bode jakši? Što bode pobedil, gracki ili pak županijski? Što bode nabral vejč glasov? Teško se glasi nabirajo da saki čovek ima sam jenoga i vredi za jenoga. Ali ne bodo si mogli davati glase šteri imajo črlene partiske knigice, ne, sam oni šteri so platili članarino. Kaj je red je red, što ne plača članarino on je ne pravzaprav član. No, a kaj da si nešči zeme pod svoje ove šteri so ne platili članarino, pak jim on plati, a išče sam to kaj na izboraj dajo svojega glasa kandidato šteri bo napisani na šalabahtero. Unda bi pak došlo do toga kaj bodo penezi određuvali što bode jahal na čelo esdepeove kolone i hercuval ove štiri leti pred nami. A što ima vejč penez to nišči ne zna? No, ali penezi se dajo i posoditi ak se dobro investera. Brzčas sam malo zglajzal, najbrž je to zbogradi toga kaj preveč čitam cajtunge ili pak gledim televizijo. Stopram ve sam v pamet zel da so to izbori v esdepejo, a tam je navek bilo se pošteno. Ak se drugač ne moglo!

    Đurek Horvatov furt zmišluvle nekaj novoga, bolšega i spametnešega. Pred par dni je otprl novo fabriko v šteroj bodo delali nekše posebne aute šteri bodo se brigali za naše smetje. V novoj fabriki bode delalo prek sto novih težakov i to sake fele, od sredje škole do fakulteta. To je još ne se, predi nek se bodo hapili delati bodo se morali vučiti kaj bodo takši težaki kakše naš Đurek nuca. V te fabriki bodo težaki meli plačo od jezerodvesto ojeri v prosjeko. Lepo, niti v Deželi ili pak Osterajho nemajo vejč, a doma so. Kak nam je gazda Đurek rekel, se jegove težake čaka i trinajsta plača. I unda ne boš delal v Tehnikso!

    Nebrem kaj ne bodem još malo falil Đureka Horvatovoga. Znate kuliko problemov imajo naši ljudi s zajmima, švicarskim frankima, blokadama računov i ovrhama. Naš Đurek je i tu odišel korak, dva (nejmeje) napre od sih: sakomo svojemo težako šteri je dužen vejč nek more platiti je Đurek dal zajma v fabriki kaj si reši stare duge, a on mo bode, brez kamatov, to jemal doli z plače. Kaj velite, spametno i pošteno. Pošteno kaj pomore čoveko, a spametno kaj mo težaki ne bodo nikam odhajali i navek jif bode mel dosti. I to je još ne se. Sakomo težako šteri dobi malo dete zdigne plačo pet procentov. To mo je nagrada kaj doma posle posla deco dela i pomoč kaj bode leži zdiguval dete. Još se sam čaka kaj počne delati zabavište v Doljnjemo Kraljevco za štero je Đurek dal hajdi penez! Svaka čast Đureko! Zakaj ministri za težake, deco, plače, ovrhe ne dojdejo k Đureko kaj se nekaj navčijo? Nebrejo najti Tehniksa? Denes dok so GPS-i na se strane!    

    Što itak krade po poljo? To spituvlejo seljaki jedni druge, a i policaji ruon tak. Što krade? Što? Cigani! Pak navek so oni šteri kradejo, očem reči, ljucko privatizerajo za sebe, bili cigani. Kakše gud so farbe. To so oni šteri sam berejo, a nigdar ne sejajo. Kak so naši stareši negda rekli, hodajo brat na mamičino. A mamičino je tam de ga navek je. Najgerek sam, jako sam najgerek kak bodo dugo te ljudi zdržali kaj bodo oni sam sejali, a drugi bodo sam brali. Toj nevoli, toj nesnagi tre stati na rep predi nek bode nešči nastradal!

    Dugo smo čakali, ali smo i dočakali kaj sod v Osjeko reče kaj si on grunta o Zdravkijo Mamičo, očem reči Mamičima jerbo je tu i jegov brat Zoki, a i o Damiro Vrbanovičo šteri se vedrili (meje) i oblačili (čuda vejč) v labodritaškomo Zagrebečkomo klubo Dinamo. Kuliko smo mogli čuti, hajdi je jif nosilo peneze v Dinamo, a ovi tri so nosili, očem reči, vozili penze vum, a poreznik Milan Pernar jim je zdiguval rampo. Tak so soci v Osjeko rekli. Ali oglasili so se dečki z Dinama, a nejglasneši med jimi je bil blagajnik.  On je del roko na srce i priznal je kak jemo penezi ne falijo. Vrag bi ga znal de je tu pravda, a de pak pravica. Dok fiškali zemejo stvari vu svoje (čiste i poštene) roke unda je sigurno da nikaj ne bodemo zazvedili.

    Dok se to ne reši Zdravkec Mamičov je odišel na molitvo v Međugorje. Bode se i naša Marijica kaj kaj toga naposlušala!

Ostavi komentar

Povezani članci

Ostanimo povezani

43,705FanoviLajkaj
608SljedbeniciSlijedi
0PretplatniciPretplatiti

NAJNOVIJE