8 C
Čakovec
Petak, 29 ožujka, 2024

Dok nucam nekaj z familijarnog šparavca procedura je slična kak v Briselo

[layerslider id=”6″]

Ak bode v Čakovco i dale tak išlo kaj bode saki delal kaj bode štel i de bode štel i to z blagoslovom grackih ocov (čitaj: gradonačelnika) unda bode Čakovec, za kratek čas, tak zgledal kak otok Vir. Tam je pred frtalj stoletja počel saki zidati kak je štel i de je štel i dok se je celi otok popunil z vikendicaj unda so vidli da ga ne mesta niti kaj bi cesto naprajli. Verjem da znate kaj se je unda pripetilo: došli so bageri i zrušili so nešterne vikendice kaj so mogli cesto naprajti.

Ne znati zakaj mi je ve na pamet pala stara indijanska poslovica štero bi i čakoski gracki oci morali znati: Nesmo Zemljo herbali od svojih japeki i mamiki nek smo si jo posodili od svoje dece!

Več smo ionak preveč tusti i debeli, a još se nam nudi Mek Donalds kaj bodemo još debleši i još bole hiravi. Kak Ameri. Brzčas se čakoski gradonačelnik nikaj ne briga za Čakovčance i svoje biračko telo. Zna on da je teško biti karakter, da je teško zdržati dok ideš polek kioska ili pak restorana, a znutra te pahne duha od friško pečenoga mesa i ve nam još oče dovleči fletno pečeno hrano tu v centrum Čakovca pod naše haklik nose. Nejleži je zdržati dok je to dauko fkrej od tebe ili pak mene. Ili tijam vu Varaždino. Ne znati zakaj se Mek Donalds rivle v Čakovec ak smo mi premali kaj bi mehnatili te jive burgere? Z jene strane se naši turistički težaki muočijo kaj nam skuhavlejo ono kaj so jeli naši stareši jerbo je to bila domača hrana, domaći oblizeki od šterih smo meli nekšega hasna, a ne denes kaj skorom se odide v salo, a ono malo kaj ostane se precera i prek debeli črevi završi v kanalizaciji. Najbrž nam to ve nikak ne tre.

 Ve si Čakovčanci morejo gruntati da bodo o tomo mogli reči kaj mislijo. Mogli bodo reči kaj god očejo, a plac je več obečani, kaj obečani, zakapareni od strane Mek Donaldsa šteri je genul to promeno urbanističkoga plana. Nekaj si gruntam: ak se bode tua promena i pripetila, a znate da se bode jerbo je tak obečano, ali bi te plac moral iti na javno licitacijo, pak nek unda kupi on šteri vejč da, a ne kaj se več napre zna što bode to kupil i što bode več ponudil.

Mali labodoritaši i rokometaši so hičeni vum z Čakovca na jenoj strani, a tenisačima se to kaže na drugoj strani, tristo metri dale. Nega več niti mesta za tenisače. Igrališča za tenis bodo ruon tak išla na javno gracko raspravo i ak bodo se Čakovčanci složili unda se bodo i igrališča tržila prek licitacije. Kak i navek na licitaži pobedi on što bode vejč dal. Nekak ne razmem kak več hajdi dugo čakoski gracki načelnik zna što bode te i komo bode zemlo prodal. Pak da se je ne nišči javil za to zemlo ne bi niti došlo do promene urbanističkoga plana. Dobro je gospon Ivo Petriš pital pred mesec dni: Što je te šteri bode zaslužil na igrališčima za tenis? Ili jif je mortik vejč?

Saki den čujemo kak se ovo ili pak ono financera, očem reči, plača z Evropskih fondov. Naša mačeha Evropa davle peneze tu, davle peneze tam, pak si nekaj gruntam da sam malo mlajši bi si to Evropo zel za ženo jerbo je ona tak široke roke. Kaj nam noge spominjal. No, istina je čistam negdi drugdi. To nam je lepo pojasnil naš župan Matija Posavcov. Znova nam je lepo pokazal de je mesec, a ne kaj smo ga mi iskali vu vodi. Lepo nam je povedal kak mi z Lejpe naše povrnemo pol penez od onih kaj pošiljamo v Evropo. Ve mi znamo da mi potpomažemo Evropo, a ne oni nas. Predi nek smo odišli zamuš Evropa nam je obečuvala kaj kaj toga, a ve dobavlamo sam pol obečanoga, ali za svoje peneze. Lepo sam vam govoril: pak Evropa nuca nas, a ne mi jo.

Oni so zeli nas kaj jim punimo kaso v šteroj ga ionak preveč penez ili kak bi to naši stareši Međimorci rekli, mažemo rit debeloj goski. Da pitate bilo šteroga Međimorca z gornjega hatara „Falačka zemle med dvemi vodami“ kaj si on grunta o Evropi lepo bi nam povedal: Pak kaj se čudite kak picek glisti, pak smo mi v Međimorjo navčeni na pol – pol. Mortik bi mi z Lejpe naše zvlekli vejč penez nazaj da smo mi ne vekši katoliki od pape, pak sami sebi zakompliceramo uvjete i iščemo jeni od drugih čuda vejč nek to Evropa dela. A unda i jal svoje napravi. Pak nebrejo si dobiti peneze šteri bi šteli, moramo i tu reda naprajti. Bole da penezi ostanejo v Briselo nek da se mi špinčimo žnjimi. Mi bi još mogli, ali naši sosedi, nedaj Božek. Kaj vam nam pripovedal kuliko cajta vam treba i kuliko penez kaj na kup namečete te se papere štere smo mi rekli da morate meti ak očete nekše ojere dobiti z Brisela. I to ne ljucke nego naše. Meni vam je to čistam poznato: dok donesem plačo dimo žena se tak dugo šmajhla okoli mene dok ne porinem kunice v jeno kasico, očem reči, v naš familijarni šparavec. A dok nucam nekaj vum z šparavca unda je procedura slična kak v Briselo. Več sam jezeropot (nejmeje) rekel da nam daval svojega (peneza) v jeno kasico, ali sam nigdar ne uspel kaj bi tua moja odluka stupila na snago.

Priločki i čakoski rokometaši so se utrkivali v Drugoj ligi šteri bodo prvi na lojtrici kaj dojdejo v Prvo ligo. Hapili so se lani najesen, a trka je završila v minulo soboto. Kak i v semo, dok so Čakovec i Prilok v pitanjo, i tu so Priločanci bili spretneši i fletneši. Več hajdi dugo Čakovčanci klipšejo za Priločancima tak je Prilok do ve bil poznati v Lepoj našoj kak nejbolši grad za živleje sih generaciji, a posebno mladih, nejbolši je bil kaj se dotikavle smetja i brige o smetju i čistomo okolišo, a i Prilok nema nezaposlene nek i težaki z drugih krajov hodajo na posel v Prilok. Se so to Čakovčanci uspeli zdržati, ali to kaj so Priločanci bolši rokometaši od Čakovčancov to je zadja kaplja štera bo prelijala kupico strpleja. Najgerek sam itak kaj bodo Čakovčanci poduzeli, de oni kanijo pobediti Priločance? Mortik v beli?

Mi Međimorci, kak Mala Švicarska, več se dugo prepravljamo kaj bodemo odišli na svoje, očem reči, kaj bodemo proglasili kneževino i unda se bodemo spojili z Dubrovačkom republikom. Dok je to zišlo na svetlo dneva unda so se nam javili i ovi z Istre. I oni bi šteli z nami skup živeti. O Istri je bilo dosti spominka, nešterni so jif šteli, a nešterni ne jerbo so oni sikak malo na svojo roko. Na zadjemo zestanko smo jif jednoglasno deli na čakanje: nebremo se žnjimi pajdašiti dok ne bodo pustili Tompsona kaj bode popeval v Areni.

Ostavi komentar

Povezani članci

Ostanimo povezani

43,705FanoviLajkaj
608SljedbeniciSlijedi
0PretplatniciPretplatiti

NAJNOVIJE